მიხეილ ესაკია

დაბადების ადგილი: ქ. თბილისი.

დაამავრა საქართველოს პოლიტექნიკური ინსტიტუტის სამთო ფაკულტეტი 1961 წელს.

1961-1974წწ. მუშაობდა სსრ კავშირის სატრანსპორტო სისტემაში: თბილისის მეტროპოლიტენის მშენებლობაზე ცვლის, უბნისა და შახტის უფროსად; 1974-1976წწ. საქართველოს მშენებლობის საქმეთა სახელმწიფო კომიტეტში სახელმწიფო ექსპერტიზის სამმართველოს უფროსის მოადგილედ; 1977-1980წწ. საქართველოს მინისტრთა საბჭოს მშენებლობის განყოფილებაში უფროს რეფერენტად; 1980-1987წწ. საქართველოს მინისტრთა საბჭოს თამჯდომარის თანაშემწედ; 1987-1990წწ. იყო საქართველოს საავტომობილო გზების მინისტრის მოადგილე; 1990-1992წწ. სამინისტროების გაერთიანების შემდეგ საქართველოს ტრანსპორტისა და გზების მინისტრის მოადგილე; 1992-2003წწ. საქართველოს საავტომობილო გზების სახელმწიფო დეპარტამენტის თავმჯდომარის მოადგილე; მონაწილეობდა თბილისის მეტროპოლიტენის "დიდუბის", "ნაძალადევის", "ვაგზლის მოედნის" მიწისქვეშა სადგურებისა და გადასარბენი გვირაბების სარკინიგზო ხაზის, მცხეთის შემოსავლელი და ნატახტარი-იგოეთის I კატეგორიის გზების, სოხუმისა და გაგრის შემოსავლელი გზებისა და გვირაბების მშენებლობაში, საქართველოს სამხედრო გზის სარეაბილიტაციო სამუშაოებში; ხელმძძღვანელობდა საქართველოს საავტომობილო გზებზე განლაგებული გვირაბების ექსპლუატაციას; დაჯილდოებულია საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.217; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.270

• 1998 - ღირსების ორდენი
  ახალქალაქი-ნინოწმინდის საავტომობილო გზის მონაკვეთის მშენებლობის დადგენილ ვადაში დამთავრებისა და მკაცრ კლიმატურ პირობებში მაღალი პროფესიონალიზმის გამოვლენისათვის