ლონა ბაროვსკაია

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის ქუთაისის ფილიალი და ლენინგრადის საფეიქრო და მსუბუქი მრეწველობის ინსტიტუტის ასპირანტურა.

1966-1970წწ. მუშაობდა ქუთაისის აბრეშუმის კომბინატში. 1970 წელს საქართველოს პოლიტექნიკური ინსტიტუტის  საფეიქრო მასალათა ტექნოლოგიის კათედრაზე დაიწყო მუშაობა ჯერ ასისტენტად, მერე კი უფროს მასწავლებლად. მის მიერ შექმნილმა ფეროშენადნობთა ქარხნის გამონაბოლქვი აირების გამფილტრავმა ახალი სტრუქტურისა და შემადგენლობის ეკოლოგიურმა სახელოებმა წარმატებით გაიარა საწარმოო გამოცდა, მაგრამ მისგან დამოუკიდებელი მიზეზების გამო ეს საქმე ვერ განხორციელდა. ასევე ძალიან მნიშვნელოვანი იყო მეცნიერის მიერ ზესტაფონის ფეროშენადნობთა და ქუთაისის ლითოფონის ქარხნების საწარმოო ტექნოლოგიური ნარჩენებისგან მიღებული თერმო და აგრესიული გარემოსადმი მდგრადი ახალი ბოჭკო "ლონა". ეს ბოჭკო თავისი მახასიათებლებით მსოფლიო ლიდერ "კევლარის" ბოჭკოსაც კი აღემატებოდა. ახალი სახის ბოჭკოს წარმოების სფეროში თანამშრომლობა შემოთავაზებული იყო მსოფლიოს მრავალი ქვეყნიდან (ჩინეთი, აშშ, ავსტრალია, კანადა, ავსტრია და სხვ). თუმცა ნ. ბაროვსკაიას სურდა მისი ნაშრომი საქართველოს კუთვნილება ყოფილიყო და აქ დანერგილიყო, ამიტომ ყველა წინადადებას უარით პასუხობდა. ტექნიკის მეცნიერებათა კანდიდატი(1983).

საკადიდატო დისერტაციის თემა - "აბრეშუმის და სინთეთიკური ქსოვილების გადამუშავებისათვის პნევმატური საქსოვი დაზგების ოპტიმალური პარამეტრების დამუშავება".

წყარო:საქართველოს ინჟინერი ქალები.- თბილისი., 2008.- გვ.19-21