ოთარ ვარდიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ტრანსპორტისა და საავტომობილო გზების ფაკულტეტი, საავტომობილო გზების მშენებელი ინჟინრის კვალიფიკაციით 1963 წელს.

1963 წელს მუშაობა დაიწყო მშრომელთა დეპუტატების თბილისის საქალაქო საბჭოს აღმასკომის საკოლმეურნეო ბაზრების სამმართველოს სამშენებლო-სარემონტო კანტორაში მშენებელ-ოსტატად, უბნის უფროსად, შემდგომ კი საქალაქო ტრანსპორტის სამმართველოს სამშენებლო სამმართველოს უბნის უფროსად; 1965 წელს გადაყვანილ იქნა საქართველოს საავტომობილო გზების მთავარ სამმართველოში საპროექტო-სახარჯთაღრიცხვო ჯგუფის ინჟინრად; 1969 წელს საძიებო რაზმის უფროსად; 1970-1972წწ. მუშაობდა ქუთაისი-ნატახტარის გზის სამმართველოში უფროს ინჟინრად, ხოლო 1972 წლიდან საქართველოს საავტომობილო გზების სამინისტროს ჯერ ბორჯომის, ხოლო შედგომ ოზურგეთის საგზაო-საექსპლუატაციო სამმართველოების მთავარი ინჟინერად; 1980 წლიდან მუშაობდა საპროექტო ინსტიტუტ "საქსახორგგზაპროექტის" საგეგმო და ეკონიმიური სტიმულირების განყოფილების მთავარ ინჟინრად, საავტომობილო გზების სამინისტროს მექანიზაციის სამმართველოს უფროსის მოადგილედ; ხოლო 1987 წლიდან უფროსად; 1989 წლიდან იყო თბილისის საწარმოო გაერთიანება "თბილავტოგზის" უფროსის მოადგილე ექსპლუატაციის დარგში; 1996 წელს მიწვეულ იქნა საქართველოს პარლამენტის დარგობრივი ეკონომიკის კომიტეტის აპარატში, ხოლო შემდგომ ქ. თბილისის საკრებულოში საფინანსო-საბიუჯეტო კომისიის ექსპერტ-კონსულტანტად; 2002 წლიდან იყო შპს "კოდექსის" და საზოგადოება "კახეთის " დირექტორი; მისი ხელმძღღვანელობით რესპუბლიკაში შესრულებულია არაერთი მნიშვნელოვანი საავტომობილო გზისა და საგზაო დანიშნულების ობიექტის სამშენებლო და საექსპლუატაციო სამუშაოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.221