ალექსი ჯაფარიძე

დაბადების ადგილი: ქ. თბილისი.

დაამთავრა თბილისის პოლიტექნიკური ინსტიტუტი 1924 წელს.

1927-1932 წწ. იყო აჯამეთის საცდელი სადგურის დირექტორი. 1934-1938 წწ. მარცვლეული კულტურების სახელმწიფო ჯიშთა გამოცდის ინსპექციის უფროსი. 1938-1939 წწ. საქართველოს მიწსახკომის კვლევითი სექტორის გამგე. 1939 წლიდან საქართველოს სასოფლო-სამეურნეო ინსტიტუტის მემცენარეობის კათედრის ასისტენტი, დოცენტი და პროფესორი. იგი მუშაობდა სანაწვერალო კულტურების აგროტექნიკურ საკითხებზე, დაამუშავა სამარცვლე სიმინდის აგროტექნიკა დასავლეთ საქართველოს პირობებისთვის. ავტორია მემცენარეობისა და ტექნიკური კულტურების სახელმძღვანელოებისა, თანაავტორი - მეთამბაქოეობის სახელმძღვანელოსი. აგრონომი, სოფლის მეურნეობის მეცნიერებათა დოქტორი (1966), პროფესორი (1968).

წყარო: ქართული საბჭოთა ენციკლოპედია: ტ. 11.-თბ., 1987.-გვ.543

• 1976 - საქართველოს მეცნიერებათა დამსახურებული მოღვაწე
• შრომის წითელი დროშის ორდენი

• პარკოსან-მარცვლოვანი ბალახები და სასილოსო კულტურები საქართველოში (ავტორი). - თბილისი, საბჭ. საქართველო, 1977. - 130გვ.
• ადრეული კარტოფილის წარმოებას - ფართო გზა (ავტორი). - თბილისი, საბჭ.საქართველო, 1976. - 25გვ.
• შუალედური კულტურები საქართველოში (ავტორი). - თბილისი, საბჭ. საქართველო, 1975. - 61გვ
• ტექნიკური კულტურები : (სახელმძღვ. სას-სამ. ინ-ტის სტუდენტებისათვის (ავტორი). - თბილისი, განათლება, 1971. - 362გვ.
• სიმინდის კულტურა საქართველოში (ავტორი). - თბილისი, საბჭ. საქართველო, 1970. - 202გვ.
• ეროზია და მასთან ბრძოლის აგროტექნიკური ღონისძიებანი საქართველოში (ავტორი). - თბილისი, საბჭ. საქართველო, 1968. - 31გვ.