ლევან აღნიაშვილი

განათლებით იურისტი. I მსოფლიო ომის დროს რევოლუციურ მოღვაწეობას ეწეოდა ჯარისკაცთა შორის კავკასიის ფრონტზე, ბათუმში, ჩრდილოეთ კავკასიაში, ოქტომბრის სოციალისტური რევოლუციის გამარჯვების შემდეგ - თბილისში, შემდეგ კი ისევ კავკასიის ფრონტზე, სადაც სამხედრო-რევოლუციური კომიტეტის წევრი იყო; 1918 წლიდან დამოუკიდებელი საქართველოს პირველმა მთავრობამ საქართველოდან გადაასახლა; სამოქალაქო ომის წლებში იყო ინტერვენციისა და შინაგანი კონტრრევოლუციის წინააღმდეგ ბრძოლების ერთ-ერთი ხელმძღვანელი ჩრდილოეთ კავკასიაში, უკრაინაში, ყაზანსა დას მოსკოვის ოლქში; 1920 წლიდან მუშაობდა თურქესტანში, ჯერ გაზეთ "იზვესტიის" რედაქტორად, შემდეგ სახელმწიფო გამომცემლობის თავმჯდომარედ; 1921 წლიდან მონაწილეობდა კომინტერნის III კონგრესის მუშაობაში; 1923-1925წწ. იყო საქართველოს ცეკავშირის წარმომადგენელი გერმანიაში; 1926 წლიდან ლექტორად მუშაობდა თბილისის სახელმწიფო უნივერსიტეტში; 1930 წლიდან იყო ამიერკავკასიის სატყეო სამეცნიერო-კვლევით ინსტიტუტის დირექტორი; 1932 წლიდან თბილისის სახელმწიფო უნივერსიტეტის რექტორი; 1935 წლიდან საქართველოს ფინანსთა სახალხო კომისრის პირველი მოადგილე. დახვრიტეს 1937 წელს. რევოლუციური მოძრაობის მოღვაწე საქართველოსა და ამიერკავკასიაში.

წყარო: ქართული საბჭოთა ენციკლოპედია, ტ. 2. -თბ., 1977. -გვ. 61;  თბილისის სახელმწიფო უნივერსიტეტი: tsu.ge

• კომუნისტური პარტია, წევრი (1915-)