ალექსანდრე ვარდოშვილი

დაბადების ადგილი: სოფელი ალმატი, ყვარლის რაიონი.

დაამთავრა საქართველოს ინდუსტრიული ინსტიტუტის სამთო ფაკულტეტი 1941 წელს, მოგვიანებით მოსკოვის სამხედრო-საინჟინრო აკადემია.

1946-1950წწ. ხელმძღვანელობდა გეოლოგიურ საწარმოო სამმართველო "საქოქროს" ენგურის საძიებო პარტიას; 1951-1962წწ. თელავის ფიქალ-მარმარილოს კომბინატს; 1962 წლიდან იყო თელავის სახალხო დეპუტატთა რაიონული საბჭოს აღმასკომის თავმჯდომარე; 1962-1970წწ. საქართველოს კომპარტიის თელავის რაიკომის პირველი მდივანი; 1970-1979წწ. საქართველოს სსრ საშენ მასალათა მრეწველობის მინისტრის პირველი მოადგილე; 1979-1981წწ. მოპოვებით-საწარმოო ტრესტ "საქმარმარილოს" მმართველი; შემდგომ პერიოდში მუშაობდა კომპლექსური ს/კ ინსტიტუტის "საქმშენმასალები", არამადნეული და ბუნებრივი მოსაპირკეთებელი მასალის სექტორის გამგედ; იყო სამამულო ომის მონაწილე, იბრძოდა მოსკოვის დაცვის, ყირიმისა და ბალტიისპირეთის ფრონტებზე; დაჯილდოებული იყო საბრძოლო ორდენებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.222

• საპატიო ნიშნის ორდენი