ელიზავეტა ბუაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტი 1971 წელს და ასპირანტურა.

1971 წელს მუშაობა დაიწყო საქართველოს პოლიტექნიკური ინსტიტუტის ქუთაისის ფილიალში. სხვადასხვა წლებში იყო  საფეიქრო მრეწველობის კათედრის ლაბორანტი, უფროსი ლაბორანტი, ქსოვისა და გამომყვანი წარმოების კათედრის ასისტენტი, ქიმიური ტექნოლოგიებისა და ორგანული ქიმიის კათედრის გამგე (1985-1993). 1993 წელს ე. ბუაძე კონკურსში იმარჯვებს და  პოლიტექნიკური უნივერსიტეტის მსუბუქი მრეწველობის სასწავლო-სამეცნიერო ინსტიტუტის დირქტორის თანამდებობას იკავებს. 2002-2005წწ. ის დიზაინისა და ტექნოლოგიის ფაკულტეტის დეკნია, 2005 წელს კი ფაკულტეტის  სწავლების ხარისხის უზრუნველყოფის სამსახურის ხელმძღვანელი, ხოლო 2006  წელს  "საფეიქრო მრეწველობის ტექნოლოგიის" დეპარტამენტში სასწავლო-სამეცნიერო პროცესების კოორდინატორად დაინიშნა. ე. ბუაძის სამეცნიერო-კვლევითი საქმიანობა 160 სამეცნიერო შრომას მოიცავს, რომელთაგან 15 სახელმძღვანელო და 3 მონოგრაფიაა. მას რეგულარულად იწვევენ საერთაშორისო სამეცნიერო კონფერენციებზე. 1996 წლიდან ის ბუდაპეშტის, ჰონკონგის, მოსკოვის და სხვა საერთაშორისო კონფერენციების და სიმპოზიუმების მონაწილეა. ტექნიკის მეცნიერებათა დოქტორი (1999), პროფესორი.

საკანდიდატო დისერტაციის თემა - "ბენტონიტების გამოყენება აბრეშუმის ქსოვილის დამძიმებაში", დაიცვა 1983 წელს;

სადოქტორო დისერტაციის თემა - "ქსოვილების ღებვისთვის მომზადების ახალი ტექნოლოგიების შემუშავება ქართული ბენტონიტების საფუძველზე და მიღებული ნაწარმის თვისებების შესწავლა", დაიცვა 1999 წელს.

წყარო: საქართველოს ინჟინერი ქალები.- თბილისი., 2008.- გვ. 26-27; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.112

• აშშ-ის სამეცნიერო-კვლევითი საზოგადოება, სრულყოფილი წევრი
• მანჩესტერის საფეიქრო ინსტიტუტის მეცნიერებათა ასოციაცია, ნამდვილი წევრი
• საქართველოს ეკოლოგიურ მეცნიერებათა აკადემია, წევრი (1996-)
• საქართველოს საინჟინრო აკადემია, წევრ-კორესპოდენტი
• საქართველოს ქიმიური საზოგადოება, პრეზიდიუმის წევრი

• 2000 - ღირსების ორდენი

• ბორაქსი - ღებვის ნანო ოპერატორი და მოდიფიკატორი (რედაქტორი). - ქუთაისი, აკაკი წერეთლის სახელმწ. უნ-ტის გამ-ბა, 2014. - 135გვ.. - ISBN: 978-9941-455-25-4
• ლაბორატორიული პრაქტიკუმი ტექსტილის ქიმიაში (ავტორი) // ნაწ.1. - ქუთაისი, აკაკი წერეთლის სახელმწ. უნ-ტის გამ-ბა, 2014. - 116გვ.
• ქსოვილების მოხატვა : ბატიკი : ცხელი, ცივი, კვანძური (ავტორი). - ქუთაისი, აკაკი წერეთლის სახელმწ. უნ-ტის გამ-ბა, 2009. - 382გვ.. - ISBN: 978-99940-52-69-1
• საფეიქრო ქიმიის ფიზიკო-ქიმიური საფუძვლები (ავტორი). - ქუთაისი, საქართველო, 2001. - 320გვ.