სოფიო ბიხოვსკაია

დაბადების ადგილი: ქ. სანქტ-პეტერბურგი.

მუშაობდა ლენინგრადში, აკადემიკოს ნიკო მარის სახელობის ენისა და აზროვნების ინსტიტუტში. იკვლევდა მთის იბერიულ-კავკასიურ ენათა გრამატიკის ზოგად საკითხებს (მათ შორის ერგატიული კონსტრუქციის რაობას), დაამუშავა დარგუული ენის მორფოლოგიის ზოგიერთი საკითხი. მან საგანგებო გამოკვლევა მიუძღვნა იბერიულ-კავკასიურ ენებთან, კერძოდ ქართულთან ბასკური ენის მიმართებას. მანვე განიხილა იმერული დიალექტი მეგრულ და სვანურ ენებთან ურთიერთობის თვალსაზრისით: სოფიო ბიხოვსკაიას აზრით, იმერული დიალექტისათვის დამახასიათებელი აი>ეი(წაიღო>წეიღო), აუ>ოუ(წაუღო>წოუღო), ვე>ო, რბილი ლ და სხვა მოვლენები ქართველური ენების შიშინა შტოს გავლენის შედეგია. მისი დასკვნები ეწინააღმდეგება ისტორიულ-შედარებითი მეთოდის დასკვნებს. კავკასიოლოგი.

წყარო: საქართველო: ენციკლოპედია: ტ.I.–თბ., 1997.–გვ.448