გოლდი ბლანკოფ-სკარი

დაბადების ადგილი: ქ. ნიუ-იორკი (აშშ).

ასწავლიდა ფრანგულ და ინგლისურ ენებს სხვადასხვა უმაღლეს სასწავლებლებში. აქტიურად მონაწილეობდა საერთაშორისო სიმპოზიუმებში. 1989 წელს ქართული ხელოვნების საერთაშორისო სიმპოზიმზე თბილისში წაიკითხა მოხსენება "ქართული ხელოვნება, როგორც ფასეულობათა სისტემის ანარეკლი". საყურადღებოა მისი სტატიები: "საბჭოთა მრავალფენოვანი  ლიტერატურა: ორი ქართველი მწერალი - ნოდარ დუმბაძე და ჭაბუა ამირეჯიბი" (1986), "ნოდარ დუმბაძე"(1987), "თენგიზ აბულაძე და ქართული კინემატოგრაფიის აყვავება" (1987), "მეშვიდე ხელოვნება საქართველოში: პოლიტიკური, კულტურული და აქსიოლოგიური ასპექტები" (1991) და სხვ. ხელოვნების ისტორიის ბაკალავრი (1949), სლავური ფილოლოგიისა და ისტორიის კანდიდატი (1953). ბელგიელი სლავისტი. 

წყარო: საქართველო: ენციკლოპედია: ტ.I.–თბ., 1997.–გვ.449

• ბელგია-საქართველოს ასოციაცია, პრეზიდენტი (1989-)
• კავკასიოლოგიის საზოგადოება ევროპაში, წევრი