რობერტ პირპონტ ბლეიკი

დაბადების ადგილი: ქ. სან-ფრანცისკო (აშშ).

1918-1920 წლებში ბერძნულ ენასა და ბიზანტიის ისტორიას ასწავლიდა თბილისის სახელმწიფო უნივერსიტეტში. რობერტ ბლეიკმა გამოავლინა და მეცნიერულად აღწერა პალესტინაში და ათონზე დაცული მრავალი ქართული ხელნაწერი, მათ შორის "ბალავარიანის" ვრცელი რედაქცია. გამოსცა ქართული ბიბლიური და ჰაგიოგრაფიული ტექსტები ლათინური თარგმანებითურთ. მნიშვნელოვანი გამოკვლევები აქვს ბიბლიოგრაფიისა და პატროლოგიის დარგში. მისი ნაშრომები ქართული ბიბლიისა და ჰაგიოგრაფიის შესახებ გამოქვეყნებულია ცალკე წიგნად. ჰარვარდის უნივერსიტეტის პროფესორი, ნიკო მარის მოწაფე. ამერიკელი ორიენტალისტი, ქართველოლოგი.

წყარო: საქართველო: ენციკლოპედია: ტ.I.–თბ., 1997.–გვ.449; ქართული ენა. ენციკლოპედია. გვ. 88.