ირაკლი სარჯველაძე

დაბადების ადგილი: ქ. ბათუმი.

დაამთავრა ქ. ბათუმის სახელმწიფო საზღვაოსნო საზღვაო აკადემია ინჟინერ-გემთწამყვანობის ფაკულტეტი 1999 წელს.

1996 წელს მიიღო თავდაპირველი მეზღვაურული წრთობა და ნათლობა; წლების მანძილზე თანმიმდევრულად გაიარა საზღვაო იერარქიის ყველა ეტაპი მატროსობიდან შორეული ნაოსნობის კაპიტნობამდე; ზღვაში საქმიანობა საქართველოს საზღვაო სანაოსნოს გემებზე "მემედ აბაშიძე", "ქობულეთი" და "Parnar"-ზე დაიწყო. 2000 წელს დაიწყო მუშაობა "Columbia Ship-management Germany GMBH" და მოგვიანებით ამ კომპანიის გემებზე ( ტანკერ/ქიმზიდებზე - "Chembulk Vancouver", "Chembulk Hong Kong", "Cape Bear", "Cape Banks", "Cape Bould", "Aries", "Alioth Star", "Mare Atlantic", "Moor") გახდა კაპიტნის მესამე, მეორე თანაშემწე და უფროსი თანაშემწე; 2008 წელს გადავიდა ბერძნულ კომპანიაში Fair Deal -ში კაპიტნის უფროსის თანაშემწის მოვალეობის შემსრულებლად ( ტანკერ/ქიმზიდებზე  -"Fair Dream", "Fair Spirit", "Fair Energy"); 2010 წელს ჩაიბარა გემ "Fair Energy"-ის მეთაურობა; 2012-2015 წწ. სხვადასხვა საზღვარგარეთის სანაოსნო კომპანიების გემების ეკიპაჟების მეთაურია; 2015 წლიდან არის "Benetech Shipping SA"- ში,  "Helen M" და 2016 წლის ბოლოსთვის გახდა ამავე კომპანიის სუპერ ინტენდანტი; ამ კომპანიამ ქართველებზე უზომო სიყვარულით შეისყიდა გემი და სახელი უბოძა "Georgia M" და დააკომპლექტა 24 ქართველით; ახალ გემზე "Kittion M"-ზე და "Helen M"- ზე მეთაურობის დროს ქართულ ეკიპაჟთან ერთად ხმელთაშუა ზღვაში გადარჩენილი იყო 200 მიგრანტის სიცოცხლე, რომლებიც გასაბერი ნავებით ლიბიის სანაპიროდან მიემართებოდენ იტალიის კუნძულ სიცილიაზე; საქმიანობს ბერძნულ სანაოსნო კომპანია "Benetech SA"-ზე და ამ კომპანიის გემებს მეთაურობს, როგორც შორეული ნაოსნობის კაპიტანი და სუპერ ინტენდანტი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com

• მედალი "შრომითი მამაცობისთვის"
  200 მიგრანტის გადარჩენისთვის