გიორგი ვატაევი-ბერულავა

დაბადების ადგილი: ქ. გაგრა.

დაამთავრა ფოთის საზღვაო ტექნიკუმი 1933 წელს, საქართველოს ინდუსტრიული ინსტიტუტის ფოთის დაუსწრებელი განყოფილება 1939 წელს; ოდესის საზღვაო ფლოტის ინსტიტუტი საზღვაო ნავსადგურების ექსპლუატაციის სპეციალობით 1959 წელს.

შრომითი საქმიანობა დაიწყო ფოთის ნავსადგურში; სამამულო ომის შემდეგ მობილიზებული იყო შავი ზღვის ნავსადგურების ტექნიკური სამუშაოების სამმართველოში - სევასტოპოლისა და ნოვოროსიისკის ნავსადგურების აღდგენით სამუშაოებზე; 1948-1965წწ. იყო ფოთის ნავსადგურის უფროსის პირველი მოადგილე; 1965-1983წწ. - უფროსი; წლების განმავლობაში აქტიურად მუშაობდა ფოთის საზღვაო ნავსადგურში ახალი ტექნიკისა და შრომის ორგანიზაციის მოწინავე მეთოდებს, საწარმოო პროცესებში ახალი ტექნოლოგიების დასანერგად; მუდმივად იღვწოდა ქ. ფოთის კეთილმოწყობისა და სოციალურ-ინფრასტრუქტურული განვითარებისთვის; იყო საქართველოს კპ რამდენიმე ყრილობის დელეგატი და ფოთის საქალაქო საბჭოს არაერთი მოწვევის დეპუტატი; ფოთის საზოგადოებამ ქალაქის ერთ-ერთ ქუჩას მისი სახელი მიაკუთვნა; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.222-223; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.67

• ლენინის ორდენი
• შრომის წითელი დროშის ორდენი
• საქართველოს დამსახურებული ინჟინერი
• სსრ კავშირის დამსახურებული რაციონალიზატორი