გიორგი ვაშაკიძე

დაბადების ადგილი: სოფელი ჯიხაიში, სამტრედიის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1969 წელს.

1969-1971წწ. მუშაობა დაიწყო საქართველოს მშენებლობის სამინისტროს სადისპეტჩერო სამსახურის მთავარ სპეციალისტად; 1972-1974წწ. საქართველოს მშენებლობის სამინისტროს სადისპეტჩერო სამსახურის უფროსად; 1974-1979წწ. იყო საქართველოს სასოფლო-სამეურნეო ტექნიკისა და მოწყობილობის სახელმწიფო კომიტეტის "საქსოფლტექნიკის" N1 სამშენებლო ტრესტის მმართველის მოადგილე; 1979-1987წწ. საქართველოს სოფლის მშენებლობის სამინისტროს N13 სამშენებლო ტრესტის მმართველის მოადგილე; 1987 წლიდან სათავეში ედგა საქართველოს აგროსამრეწველო გაერთიანება "საქეთერზეთმრეწვის" სამშენებლო-სამონტაჟო სამმართველოს, "საქეთერზეთმრეწვმშენს", "საქმედმრეწვმშენს"; არის სს "ვაგისა" და შპს "ვაგის" დირექტორი და ერთპიროვნული დამფუძნებელი; ხელმძღვანელობდა სკოლების, სამრეწველო ობიექტებს, რკინაბეტონის ქარხნების, ტექნიკური მომსახურების სადგურების (ბოლნისსა და ახალციხეში), ეთერზეთების ქარხნების და სათბურების (აბაშასა და თელავში), ზეთის გადამამუშავებელი ქარხნის (ოჩამჩირეში), სასტუმროს ტიპის საცხოვრებელი სახლების მშენებლობას; მონაწილეობდა ქ. სიღნაღის და თელავის კეთილმოწყობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.223