გრიგოლ ვაშაკიძე

დაბადების ადგილი: ქ. სოხუმი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1938 წელს.

1938 წელს დაიწყო შრომითი საქმიანობა ამიერკავკასიის რკინიგზის სამმართველოს სალიანდაგო დისტანციის უფროსის მოადგილედ; მუშაობდა სალიანდაგო სამუშაოთა უბნის უფროსად, ამიერკავკასიის რკინიგზის სამმართველოს სალიანდაგო სამსახურის უფროსის მოადგილედ, უფროსად. 1946წწ. იყო სსრ კავშირის სატრანსპორტო მშენებლობის სამინისტროს N158 სამშენებლო სამმართველოს უფროსი; 1955 წლიდან ამავე სამინისტროს ტრესტ "ამიერკავკასტრანსმშენის" მმართველი; 1955-1957წწ. ამიერკავკასიის რკინიგზის სამმართველოს უფროსის მოადგილე; 1957 წელს აირჩიეს თბილისის საქალაქო საბჭოს აღმასკომის თავმჯდომარის პირველ მოადგილედ, იმავდროულად ასრულებდა ახალშექმნილი "მთავართბილმშენის" უფროსის მოვალეობასაც; 1963 წელს გადაიყვანეს საქართველოს კპ ცენტრალური კომიტეტის მშენებლობისა და საქალაქო მეურნეობის განყოფილების გამგედ; 1965-1978წწ. იყო საქართველოს სსრ მშენებლობის მინისტრი; 1978-1981წწ. სახელმწიფო საგეგმო კომიტეტის თავმჯდომარის პირველი მოადგილე; 1981 წლიდან საქართველოს სსრ მინისტრთა საბჭოსთან არსებული კაპიტალური მშენებლობის მტავარი სამმართველოს უფროსის მოადგილე. მის სახელთანაა დაკავშირებული საქართველოს მშენებლობის სამინისტროს სტრუქტურული განვითარება, საწარმოო პოტენციალის მნიშვნელოვანი გაზრდა; საქართველოს ეკონომიკური განვითარებისთვის უმნიშვნელოვანესი სამრეწველო და სამოქალაქო დანიშნულების კომპლექსების ექსპლუატაციაში გაშვება; რესპუბლიკის საგეგმო საქმიანობის სრულყოფის ცალკეული ღონისძიებები; იყო საქართველოა კპ ცენტრალური კომიტეტის, საქართველოს სსრ რამდენიმე მოწვევის უმაღლესი საბჭოს დეპუტატი, საპატიო რკინიგზელი, სსრკ მისტრთა საბჭოს პრემიის ლაურეატი, არაერთი ორდენისა და მედლის კავალერი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.223-224

• პარტიის თბილისის საქალაქო კომიტეტის ბიუროსა და რესპუბლიკის უმაღლესი საბჭო, პრეზიდიუმის წევრი

• საბჭოთა კავშირის "საპატიო რკინიგზელი"
• სსრ კავშირის მინისტრთა საბჭოს პრემია
• საქართველოს დამსახურებული ინჟინერი