სიო კალანდაძე

დაბადების ადგილი: სოფელი ხიდისთავი, ჩოხატაურის რაიონი.

1915-1916წწ. აქტიურად თანამშრომლობდა ქართულ ჟურნალ-გაზეთებში, აქვეყნებდა რევოლუციურ ლექსებს; 1916 წელს მთაწმინდის ფარული კრების მონაწილეებთან ერთად ჟანდარმერიამ დააპატიმრა და გადაასახლა; გადასახლებიდან ოქტომბრის რევოლუციამ გაათავისუფლა; 1915 წელს დაიბეჭდა მისი პირველი ლექსი "იტირე, დედა მშობელო". მასვე ეკუთვნის წიგნები: "პროლეტარული პოეზია" და მოთხრობა "წამების ჯვარი". პოეტის პოეზიიდან გამოირჩევა შემდეგი ლექსები: "უსინათლო", "ოქტომბერი", "ათი წლის შთაბეჭდილება", "ჩემს ქვეყანაში", "წითელ ლაშქარს", "თებერვალი", "თბილისი", "მოწოდება", "გლეხის სიმღერა", "წითელ მფრინავებს", "1905 წელი", "ოქტომბრის ათი წლის ზეიმი" და სხვა. ეწეოდა მრავალმხრივ საზოგადოებრივ საქმიანობას: ასრულებდა ქალაქის მეოთხე უბნის სახალხო მსაჯულის მოვალეობას, რამდენჯერმე იყო არჩეული რაიონული საბჭოს დეპუტატად.

წყარო: მოდით გავიხსენოთ. -თბ., 1986.-გვ.157; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.176; სიო ხიდისთაველი : პოეტი. 1888-1969. ნეკროლოგი // თბილისი. - თბილისი, 1969. - 29 მარტი

• მუშის სიმღერები : ლექსები (ავტორი). - თბილისი, საბჭ. მწერალი., 1958. - 64გვ.
• ლექსები : ლექსები (ავტორი). - ტფილისი, ცეკავშირი-ს სტ., 1936. - 90გვ.
• წამების ჯვარი : სიო კალანდაძე (ავტორი). - ტფილისი, ს.ს.მ.უ.ს. პოლიგრ. განყ. 1-ლი სტამბა, 1924. - 39გვ.