ვიქტორ ბაქრაძე

1897 წელს ზეინკლად მოეწყო ამიერკავკასიის რკინიგზის თბილისის მთავარ სახელოსნოებში, 1899 წელს მუშაობა დაიწყო ბაქოს რკინიგზის დეპოს მემანქანის თანაშემწედ; მონაწილეობდა არალეგალური სტამბის "ნინას" მოწყობასა და მუშაობაში; ავრცელებდა გაზეთებს "ისკრასა" და "ბრძოლას"; 1904 წელს გადავიდა აშხაბადში, სადაც აქტიური მონაწილეობა მიიღო აშხაბადის მშრომელთა რევოლუციურ ბრძოლებში (1905-1906); იყო აშხაბადის სოციალ-დემოკრატთა ორგანიზაციის ერთ-ერთი დამაარსებელი, რსდმპ აშხაბადის კომიტეტის წევრი, საგაფიცვო კომიტეტის წევრი (1905 წლის ორტომბრიდან), არალეგალური სტამბის ორგანიზატორი. რევოლუციური მოღვაწეობისათვის რამდენიმეჯერ დააპატიმრეს. 1907-1918 წლებში ეწეოდა რევოლუციურ მოღვაწეობას ბაქოში, როსტოვში, თბილისში, ჭიათურასა და საჩხერეში. საქართველოში საბჭოთა ხელისუფლების დამყარების შემდეგ იყო ხელმძღვანელ სამეურნეო სამუშაოებზე. რევოლუციური მოძრაობის მოღვაწე ამირკავკასიასა და თურქმენეთში. 

წყარო: ქართული საბჭოთა ენციკლოპედია, ტ. 2. - თბ., 1977. - გვ. 241

• რუსეთის სოციალ-დემოკრატიული მუშათა პარტია (რსდმპ) , წევრი (1898-)