ბუთხუზ ვაჩაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი 1964 წელს; საქართველოს პოლიტექნიკური ინსტიტუტის დაუსწრებელი სწავლების ფაკულტეტი წყალსადენ-კანალიზაციის სისტემების მშენებლობის სპეციალობით 1969 წელს.

1965-1968წწ. მუშაობდა საქართველოს მეცნიერებათა აკადემიის ნახევარგამტარების სამეცნიერო-კვლევით ინსტიტუტში მეცნიერ-მუშაკად; 1968-1971წწ. საქართველოს სსრ მინისტრთა საბჭოსთან არსებული უცხოური ტურიზმის მთავარი სამმართველოს სამშენებლო სამმართველოში სპეცსამუშაოთა მწარმოებლად; 1971-1972წწ. იყო საქართველოს მშენებლობის სამინისტროს სამშენებლო ტრესტ "კურორტმშენის" (ყოფილი "ბიჭვინთმშენი") მცირე მექანიზაციის სამმართველოს უფროსი; 1972-1974წწ. ტრესტ "კურორტმშენის" მმართველის მოადგილე; 1975-1977წწ. მუშაობდა საქართველოს სსრ მინისტრთა საბჭოსთან არსებული წყალთა მეურნეობის მთავარი სამმართველოს ტრესტ "კოლხეთმშენის" მმართველის მოადგილედ; 1978-1980წწ. იყო საქართველოს მშენებლობის სამინისტროს ტრესტ "კურორტმშენის" N5 სპეცსამუშაოების სამმართველოს მთავარი ინჟინერი და სამმართველოს უფროსი; 1980-1986წწ. მუშაობდა აფხაზეთის ასს რესპუბლიკის საბინაო-კომუნალური მეურნეობის სამინისტროს გაგრის კომუნალურ საწარმოთა კომბინატის უფროსად; 1987-1989წწ. იყო საქართველოს მშენებლობის სამინისტროს ტრესტ "მშენკომბინატის" მთავარი ინჟინერი; 1990-1992წწ. საქართველოს მრეწველობის სამინისტროს მანქანათმშენებელი გაერთიანების გენერალური დირექტორი; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.224; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.263

• 1995 - ღირსების ორდენი