გიორგი ჯაფარიძე

დაბადების ადგილი: სოფელი საკაო, ონის რაიონი.

დაამთავრა თბილისის სახელმწიფო უნივერსიტეტის აგრონომიული ფაკულტეტი 1926 წელს.

1931 წელს ქუთაისში დააარსა ამიერკავკასიის მებოსტნეობის საცდელი სადგური, ხოლო ერევანსა და აფშერონის ნახევარკუნძულზე - სადგურის საყრდენი პუნქტები. 1938 წელს საქართველოს სასოფლო-სამეურნეო ინსტიტუტში მისი ხელმძღვანელობით შეიქმნა მებოსტნეობის კათედრა, რომელსაც თვითონ განაგებდა გარდაცვალებამდე. მისი სამეცნიერო შრომები ეხება საქართველოში მებოსტნეობის განვითარების ისტორიულ და ეკონომიკურ საკითხებს, ბოსტნეული კულტურების წარმოების ზონალურ თავისებურებებსა და სხვა. ავტორია მებოსტნეობის სახელმძღვანელოებისა უმაღლესი სასწავლებლებისათვის. დაჯილდოებულია მედლებით. აგრონომი, სოფლის მეურნეობის მეცნიერებათა დოქტორი, პროფესორი (1949).

წყარო: ქართული საბჭოთა ენციკლოპედია: ტ. 11.-თბ., 1987.-გვ.543

• შრომის წითელი დროშის ორდენი (2 ორდენი)

• მებოსტნეობა : პრაქტ. სახელმძღვ. (ავტორი). - თბილისი, აქ. სას.-სამ. ინ-ტის გამ-ბა და სტ., 1946. - 245გვ.
• მებოსტნეობა : ზოგადი ნაწილი (ავტორი). - თბილისი, სახელგამი, 1937. - 240გვ.