ვახტანგ ვახვახიშვილი

დაბადების ადგილი: ქ. ბათუმი.

დაამთავრა საქართველოს სასოფლო-სამეურნეო ინსტიტუტის სატყეო ფაკულტეტი 1961 წელს.

1961-1967წწ. მუშაობდა საქართველოს მშენებლობის სამინისტროს სამშენებლო გაერთიანება "თბილქალაქმშენის" ხე-ტყის დამამუშავებელ კომბინატს; 1967-1969წწ. საქართველოს საშენ მასალათა მრეწველობის სამინისტროს სამეურნეო ინვენტარის ფაბრიკის საამქროში ოსტატად; 1969-1975წწ. სოფლის მეურნეობის სამინისტროს წარმოებისა და მშენებლობის სამმართველოს მთავარ ინჟინრად; 1975-1995წწ. საქართველოს სასოფლო მშენებლობის სამინისტროს საწარმოო გაერთიანება "მშენდეტალის" მთავარ ინჟინრად, მმართველად; 1995 წლიდან სს "საქსოფმშენდეტალის" სამეთვალყურეო საბჭოს თავმჯდომარედ; დიდი წვლილი აქვს შეტანილი სასოფლო დანიშნულების ობიექტების მშენებლობაში, ხე-ტყის დამამუშავებელ საწარმოებში უახლესი და პროგრესული ტექნოლოგიური მეთოდების ათვისებისა და დანერგვის საქმეში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.225