ალექსანდერ ბეროშვილი

დაბადების ადგილი: ქ. გურჯაანი.

სკოლის დამთავრების შემდეგ ჩაირიცხა საქართველოს ტექნიკურ უნივერსიტეტში გადაზიდვის ორგანიზაციისა და რკინიგზის ტრანსპორტის მართვის ფაკულტეტზე.

კრივში ვარჯიში 1989 წელს დაიწყო. 1990 წელს მიიწვიეს საბჭოთა კავშირის კრივის ნაკრებში. ეს სსრკ-ის უკანასკნელი ნაკრები იყო კრივში. 1990-ანი წლების გამწვავებული პოლიტიკური სიტუაციის გამო სსრკ დაიშალა და მასთან ერთად, ეს ნაკრებიც. 1990-1998წწ. მოღვაწეობას იწყებს დამოუკიდებელი საქართველოს კრივის პირველ ნაკრებში. ბრძოლით მოიარა მრავალი ქვეყანა ევროპასა და აზიაში - ესპანეთი, იტალია, გერმანია, ხორვატია, საფრანგეთი, პორტუგალია, ირანი, თურქეთი, რუსეთი, უკრაინა. ის ყველგან გამოდიოდა როგორც დამოუკიდებელი მოკრივე საქართველოდან. მისი ევროპული ეპოპეის ყველაზე აქტიური და ნაყოფიერი პერიოდი მოიცავს 2000-2006 წლებს. მოღვაწეობს მწვრთნელად ესპანეთის ქალაქ ვალენსიაში პატარა დარბაზ "Pumping iron"-ში. არის  საქართველოს ჩემპიონი 1974/1975წწ. დაბადებულ მოსწავლეთა შორის მძიმე წონაში, 90 კგ. ზემოთ (1990), ქალაქ რეშთში (ირანი) ჩატარებული კრივის საერთაშორისო ტურნირის გამარჯვებული (1995), საქართველოს ჩემპიონი უფროსი ასაკის მოკრივეთა შორის (1997), მოკრივე. 

წყარო: boxrec.com