ზურაბ ვეფხვაძე

დაბადების ადგილი: სოფელი თეთრაწყარო, ხარაგაულის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს.

1962 წლიდან მუშაობდა საქართველოს მშენებლობის სამინისტროს N3 სამშენებლო ტრესტში ოსტატად, სამუშაოთა მწარმოებლად, სამმართველოს უფროსად; 1985 წლიდან მუშაობდა იმავე სამინისტროს N2 სამშენებლო ტრესტის N2 სამშენებლო სამმართველოში მთავარ ინჟინრად, უფროსად; მონაწილეობდა სასტუმროების - "ივერიისა" და "აჭარის", სარეაბილიტაციო ცენტრის (თბილისის ზღვაზე), ბავშვთა N13 პოლიკლინიკის, N1 საშუალო სკოლის, ლუდის ქარხნის (ლილოში), მაცივრების (თევზის მრეწველობისა და ცხიმკომბინატისათვის), საცხოვრებელი სახლებისა და საზოგადოებრივი დანიშნულების ობიექტების მშენებლობაში; დაჯილდოებულია საქართველოს უმაღლესი საბჭოს პრეზიდიუმის სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.228

• საპატიო ნიშნის ორდენი