მამუკა ზაალიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის არქიტექტურის ფაკულტეტის ინტერიერის განყოფილება 1971 წელს, ამავე აკადემიის ასპირანტურა 1978 წელს.

1968 წლიდან მუშაობდა საპროექტო ორგანიზაციებში: "კურორტპროექტში", "ვოენპროექტი", "თბილქალაქპროექტი" და "თბილზნიიეპი" არქიტექტორის, უფროსი არქიტექტორის, ჯგუფის ხელმძღვანელის და პროექტის მთავარი არქიტექტორის თანამდებობაზე; 1997-2001წწ. საქართველოს ელექტრიფიკაციისა და მექანიზაციის სამეცნიერო კვლევით ინსტიტუტში უფროსი მეცნიერ თანამშრომელი იყო; 1985 წლიდან, თბილისის სამხატვრო აკადემიაში მუშაობდა არქიტექტურის ფაკულტეტზე, მასწავლებლის, უფროსი მასწავლებლის, დოცენტის თანამდებობებზე; არის არაერთი სამეცნიერო ნაშრომისა და პროექტის ავტორი: "ქარიშხალას" სპორტული კომპლექსი ქ. თბილისში (რეალიზებული); რუსთაველის ძეგლისა და მიმდებარე ტერიტორიის რეკონსტრუქციის რეალიზებული პროექტი (მ. მერაბიშვილთან, გ. ჯაფარიძესთან, რ. ამაშუკელთან ერთად); კურორტ წყალტუბოს გენერალური გეგმა (ბ. პოპიაშვილთან ერთად); პოლიკლინიკა 250 მომსვლელზე ქ. თბილისში (პროექტი); პიონერთა ბანაკი 240 ადგილზე დაბა კაბარდინკაში (არქ. ზ. გეწაძესწთან ერთად); თბილისისგენერალური გეგმის კონცეფცია (არქ. ვ. აფციაურთან ერთად); ტურისტული სასტუმრო 1000 ადგილით (არქ. ს. ზაალიშვილთან ერთად); ექსპერიმენტული საბავშვო ბაგა-ბაღი რთულ რელიფზე (პროექტზე); 21-ბინიანი საცხოვრებელი სახლი ყაზბეგის ქუჩაზე (მშენებარე) და სხვა; იყო ეთიკისა და საავტორო უფლებების დაცვის კომისიის თავმჯდომარე; პროფესორი (2004), სადოქტორო დისერტაცია დაიცვა 2015 წელს.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.230-231; თბილისის სახელმწიფო სამხატვრო აკადემია/Tbilisi State Academy of Arts: facebook.com

• საქართველოს არქიტექტორთა კავშირი, გამგეობის წევრი
• საქართველოს არქიტექტორთა კავშირი, წევრი (1980-)

• 2015 - საქართველოს დამსახურებული არქიტექტორი