მავრ ზალდასტანიშვილი

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი 1958 წელს.

1958-1964წწ. მუშაობდა სამშენებლო-სამონტაჟო ტრესტ "თბილგვირაბმშენის" სისტემაში ოსტატად, სამუშაოთა მწარმოებლად, საპროექტო ინსტიტუტის ინჟინერ-კონსტრუქტორად; 1964-1982წწ. საქართველოს სასოფლო მშენებლობის სამინისტროს N1 ტრესტის მთავარი ინჟინრის მოადგილედ, ტრესტ "საქორგტექსოფლმშენის" მმართველად; საქართველოს მშენებლობის სამინისტროს მიწისქვეშა სპეც-სამუშაოებისა და N9 სამშენებლო ტრესტების მთავარ ინჟინრად, საქართველოს სპეციალური და სამონტაჟო სამუშაოების მთავარი სამმართველოს უფროსის მოადგილედ, საქართველოს საშენ მასალათა მრეწველობის სამინისტროს ქ. რუსთავის სამშენებლო მასალათა კომბინატის დირექტორად; 1982-1994წწ. მუშაობდა სსრ კავშირის ელექტროტექნიკური მრეწველობის სამინისტროს კავკასიის ტრესტის მთავარ ინჟინრად, საქართველოს პროფსაბჭოს გაერთიანებული კაპიტალური მშენებლობის სამმართველოს უფროსად, ტურიზმის საბჭოს თავმჯდომარის მოადგილედ მშენებლობის დარგში, საქართველოს მინისტრთა საბჭოს უფროს რეფერენტად; 1994-2000წწ. იყო სახელმწიფო კონცერნ "საქკურორტის" ვიცე-პრეზიდენტი; უშუალოდ მონაწილეობდა თბილისში, გორში, ქარელში, ბორჯომსა და ახალქალაქში საბინაო, სასკოლო, ჯანდაცვითი, კულტსაგანმანათლებლო, საწარმოო-საინჟინრო ნაგებობების მშენებლობაში; ხელმძღვანელობდა რუსთავისა და კასპის ცემენტის ქარხნების მშენებლობა-რეკონსტრუქციას, უმნიშვნელოვანესი პროდუქტების - ფილტროფერლიტისა და ტექნიკური ბამბის წარმოებას; მნიშვნელოვანი წვლილი აქვს შეტანილი საქართველოს ტურისტული და საკურორტო ინფრასტრუქტურის განვითარებაში; დაჯილდოებულია მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.233

• ღირსების ორდენი