ბოგდან ზატუაშვილი

დაბადების ადგილი: დაბა თიანეთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1948 წელს.

1948-1953წწ. მუშაობდა უკრაინაში, დონბასის შახტებისა და სხვა მნიშვნელოვანი სამრეწველო ობიექტების მშენებლობაზე; 1953 წელს დაინიშნა სამშენებლო ტრესტ "საქშახტმშენის" სამშენებლო-სამონტაჟო სამმართველო "ქუთაისშახტმშენის" მთავარ ინჟინრად, მოგვიანებით საქართველოს მშენებლობის სამინისტროს N4 სამშენებლო ტრესტის მთავარ ინჟინრად; 1969 წელს დაინიშნა საქართველოს მშენებლობის სამინისტროს სამშენებლო-სამონტაჟო ტრესტ "საქშახტმშენის" მმართველად; 1971 წლიდან საქართველოს მშენებლობის მინისტრის მოადგილე და სამშენებლო გაერთიანება "მთავართბილმშენის" უფროსი იყო; 1976 წლიდან ხელმძღვანელობდა საქართველოს მინისტრთა საბჭოს კაპიტალური მშენებლობის მთავარ სამმართველოს, იყო საქართველოს მშენებლობის საქმეთა სახელმწიფო კომიტეტის "საქსახმშენის" თავმჯდომარის მოადგილე; მუშაობა გააგრძელა საქართველოს მშენებლობის სამინისტროს წამყვან ექსპერტად და ზედამხედველობას უწევდა სამოქალაქო-სამრეწველო და სოციალური დანიშნულების მნიშვნელოვანი ობიექტების მშენებლობის მიმდინარეობას; არაერთგზის იყო არჩეული ქუთაისისა და თბილისის საქალაქო საბჭოებისა და საქართველოს უმაღლესი საბჭოს დეპუტატად (1976-1981).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.235; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.293

• 1999 - ღირსების ორდენი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი პირადი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• შრომის წითელი დროშის ორდენი
• საპატიო ნიშნის ორდენი
• საქართველოს დამსახურებული ინჟინერი