თენგიზ ზაქარეიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1963 წელს.

1963-1966წწ. მუშაობდა საქართველოს მშენებლობის სამინისტროს N2 სამშენებლო ტრესტის სისტემაში სამუშაოთა მწარმოებლად; 1966-1968წწ. მიწისძვრისგან დაზიანებული ქ. ტაშკენტის აღდგენით სამუშაოებზე, მოძრავ-მექანიზებული კოლონის მთავარ ინჟინრად;1968-1977წწ. N2 სამშენებლო ტრესტის N5 სამშენებლო სამმართველოში მთავარ ინჟინრად, სამმართველოს უფროსად; 1977-1981წწ. იყო ამავე ტრესტის მთავარი ინჟინერი; 1981-1984წწ. საქართველოს მშენებლობის სამინისტროს N3 სამშენებლო ტრესტის მმართველი; 1984-1991წწ. რუსთავის სახლმშენებელი კომბინატის დირექტორი; 1991-1996წწ. მონაწილეობდა ქ. გროზნოს აღდგენით სამუშაოებში; 1996 წლიდან იყო სამშენებლო დარგის სხვადასხვა კერძო სტრუქტურებში; პროფესიული საქმიანობის სხვადასხვა ეტაპზე ხელმძღვანელობდა მრავალი მნიშვნელოვანი სამრეწველო და სამოქალაქო ობიექტის მშენებლობას; დაჯილდოებულია საქართველოსა და ჩეჩნეთის სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.236

• საქართველოს მშენებელთა ფედერაცია, წევრი