ალექსანდრე ზედგენიძე

დაბადების ადგილი: ქ. თბილისი.

დაამთავრა ამიერკავკასიის ტრანსპორტის ინჟინერთა ინსტიტუტის სამშენებლო ფაკულტეტი წყალმომარაგებისა და წყალარინების სპეციალობით 1945 წელს.

1946 წლიდან იყო ზემოაღნიშნული ინსტიტუტის ჰიდრავლიკისა და წყალმომარაგების კათედრის ასპირანტი, ხოლო საკანდიდატო დისერტაციის დაცვის შემდეგ ასისტენტი და დოცენტი; 1961 წლიდან ირჩევენ საქართველოს პოლიტექნიკური ინსტიტუტის წყალმომარაგების და წყალარინების კათედრის გამგედ; ხელმძღვანელობდა ინსტიტუტის სამეცნიერო-კვლევით განყოფილებას; იყო კომუნალური მეურნეობის დარგის მრავალი სპეციალისტის აღმზრდელი და ამ დარგის მოამაგე; მისი ინიციატივით კათედრასთან დაარსდა კომუნალური და სამრეწველო წყალმომარაგების და წყალარინების სამეცნიერო-საკვლევი დარგობრივი ლაბორატორია, რომელმაც შემოიკრიბა ამ დარგში მომუშავე რესპუბლიკის წამყვანი სპეციალისტები; დაჯილდოებული იყო არაერთი სახელმწიფო ორდენითა და მედლით; სადოქტორო დისერტაცია დაიცვა 1975 წელს. პროფესორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.236