ლეილა გრძელიძე

დაბადების ადგილი: სოფელი დიმი, ბაღდადის რაიონი.

დაამთავრა საქართველოს პოლიტექნიკური ინსტიტუტის ქიმიური ტექნოლოგიის ფაკულტეტი 1975 წელს  და ელექტროქიმიურ წარმოებათა ტექნოლოგიის კათედრის ასპირანტურა 1979 წელს.

1976-1984წწ. უმცროს მეცნიერ-თანამშრომლად მუშაობს მაგნიუმის საპრობლემო ლაბორატორიაში. 1990-1994წწ. იყო განყოფილების უფროსი მრეწველობის სამინისტროში, 1994-2004წწ. სახელმწიფო სამსახურშია, ჯერ საქართველოს პრეზიდენტის ადმინისტრაციაში განყოფილების, შემდეგ სამსახურის უფროსად, ხოლო 2004-2005წწ. თბილისის პრემიერის მთავარი მრჩეველია. პარალელურად აგრძელებს სამეცნიერო-კვლევით და პედაგოგიურ საქმოანობას საქართველოს ტექნიკურ უნივერსიტეტში. მის მიერ პირველად, თვისობრივად ახალი ნედლეულის - ტალკისა და პერლიტის გამოყენებით დადგენილ იქნა შემადგენლობა, რომლის საფუძველზეც მიღებულია საყოფაცხოვრებო დანიშნულების გამოწვის დაბალი ტემპერატუერის მქონე მხურვალმდეგი კერამიკული მასალა. წლების მანძილზე ლექციებს კითხულობს გარემოს საცვის კათედრაზე და დიდი წვლილი მიუძღვის ინჟინერ-ეკოლოგების აღზრდის საქმეში. ლ. გრძელიძე, როგორც გაეროს განვითარების პროგრამების ექსპერტი საქმის წაროების საკითხებში, 2004-2007წწ. ხელმძრვანელობდა გაეროს სახელმწიფოს მოხელეთათვის ორგანიზებულ ტრეინინგების კურსს. გამოქვეყნებული აქვს 9 სამეცნიერო შრომა, რამდენიმე სახელმძვანელო და ლექსების კრებული. ტექნიკის მეცნიერებათა კანდიდატი (2003).

საკანდიდატო დისერტაციის თემა - "პერლიტისა და ტალკის შემცველი ახალი შემადგენლობის კერამიკული მასალების მექანიკური და მხურვალმედეგობის საკითხები".

წყარო:საქართველოს ინჟინერი ქალები.- თბილისი.-2008.- გვ.44-46

• ესXია : ლექსები (ავტორი). - თბილისი, ბაკმი, 2012. - 271გვ.. - ISBN: 978-9941-426-25-4
• როგორ ვმართოთ ორგანიზაცია : მეთოდ.-პრაქტ. სახელმძღვ. (ავტორი). - თბილისი, UNDP, 2008. - 524გვ.
• საქმისწარმოება საჯარო დაწესებულებებში (ავტორი). - თბილისი, 2006. - 155გვ
• საქმისწარმოება საჯარო დაწესებულებებში (ავტორი). - თბილისი, UNDP, 2005. - 161გვ.