აკაკი ზედელაშვილი

დაბადების ადგილი: დაბა წნორი, სიღნაღის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1969 წელს.

1969-1972წწ. მუშაობდა საპროექტო ინსტიტუტ "გიპროკინოში"; 1975 წელს დაამთავრა მოსკოვის ფიზიკის ინსტიტუტის ასპირანტურა, რომლის დამთავრების შემდეგ 1978 წლამდე მუშაობდა თბილისის ზონალურ ს/კ ტიპური და ექსპერიმენტული პროექტების ინსტიტუტში ("თბილზნიიეპი") მეცნიერ-თანამშრომლად; 1978-1982წწ. მუშაობდა საქართველოს მშენებლობის სამინისტროს N15 სამშენებლო ტრესტში, სამუშაოთა მწარმოებლად, სამმართველოს მთავარ ინჟინრად და სამმართველოს უფროსად; 1983-1993წწ. მუშაობდა ქ. თბილისის N2 სახლმშენებელი კომბინატის მთავარი ინჟინრის მოადგილედ, მთავარ მშენებლად, კომბინატის დირექტორად; 1994-2003წწ. სააქციო საზოგადოება "ბურჯის" გენერალური დირექტორი იყო; 2004 წლიდან მუშაობს შპს "აქსისის" უბნის უფროსად; მისი უშუალო მონაწილეობით აშენდა გლდანის, ვარკეთილის, დიდი დიღმის, ფონიჭალის საცხოვრებელი მასივები ქ. თბილისში; მიწისძვრით დაზარალებულ საჩხერის რაიონში აღდგენილ იქნა საცხოვრებელი სახლები და სხვა დანიშნულების ობიექტები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.236-237

• 2007 - საქართველოს დამსახურებული მშენებელი