ბიძინა ორაგველიძე

დაბადების ადგილი: სოფელი შუხუთი, ლანჩხუთის რაიონი.

დაამთავრა ბათუმის საზღვაოსნო სასწავლებელი 1955 წელს; ლენინგრადის ადმირალ მაკაროვის სახელობის უმაღლესი საზღვაო-საინჟინრო სასწავლებელი (ЛВИМУ) ჰიდროგრაფის სპეციალობით 1960 წელს.
1961-1964 წლებში ეწეოდა პედაგოგიურ მოღვაწეობას ბათუმის საზღვაოსნო სასწავლებელში; 1964-1979 წლებში იყო შავი ზღვის, ნოვოროსიისკისა და საქართველოს საზღვაო სანაოსნოების არაერთი გემის კაპიტნის პირველი თანაშემწე; ნაპირზე დაბრუნებული იგი ადმინისტრაციულ სამსახურშია, 1979-1981 წლებში ასრულებდა საქართველოს საზღვაო სანაოსნოს კადრების განყოფილების უფროსის საპასუხისმგებლო მოვალეობას; 1982-1995 წლებში ბათუმის საზღვაოსნო სასწავლებელის უფროსია, რომელიც სწორედ მისი მმართველობის დროს, 1992 წელს გადაკეთდა პირველ ქართულ უმაღლეს საზღვაოსნო სასწავლებლად. არის ქართველ ზღვაოსანთა არაერთი თაობის მრავალი საამაყო წარმომადგენელის  პედაგოგი; საქართველოში საზღვაო საგანმანათლებლო დარგის ამაგდარი, ღვაწლმოსილი პედაგოგი და თვალსაჩინო ქართველი ზღვაოსანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com

• 2012 - ღირსების ორდენი
• 2011 - ღირსების ორდენი