მამია ზოდელავა

დაბადების ადგილი: სოფელი ახუთი, ჩხოროწყუს რაიონი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1940 წელს.

მუშაობა დაიწყო ამიერკავკასიის რკინიგზის სამშენებლო ორგანიზაციაში სამუშაოთა მწარმოებლად; სამამულო ომის დაწყებისთანავე, სამუშაოდ გაიწვიეს საბჭოთა არმიის რიგებში, კრასნოდარის მხარეში, სადაც მე-9 არმიის N1 სამშენებლო სამმართველოში მუშაობდა; სამხედრო სამსახურიდან დაბრუნების შემდეგ პარტიულ სამუშაოზეა, მუშაობდა საქართველოს კპ თბილისის საქალაქო კომიტეტში; 1943 წლიდან იყო საქართველოს კპ ცენტრალური კომიტეტის ინსტრუქტორი და სექტორის გამგე; 1945 წელს აირჩიეს საქართველოს ალკკ ცენტრალური კომიტეტის მეორე მდივნად; 1946-1953წწ. იყო საქართველოს ალკკ ცენტრალური კომიტეტის პირველი მდივანი; იყო საქართველოს სოფლის მეურნეობის სამინისტროს კაპიტალური მშენებლობის სამმართველოს უფროსი, რესპუბლიკური გაერთიანება ცეკავშირის გამგეობის თავმჯდომარის მოადგილე მშენებლობის დარგში, საქართველოს მშენებლობის მინისტრის მოადგილე, საქართველოს კვების მრეწველობის მინისტრის მოადგილე მშენებლობის დარგში, საქართველოს მინისტრთა საბჭოს თავმჯდომარის მოადგილე; აქტიურად მონაწილეობდა ქვეყნისთვის მნიშვნელოვანი სამრეწველო, სამოქალაქო და სოციალური დანიშნულების ობიექტების მშენებლობაში. არის ომისა და შრომის ვეტერანი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.237-238; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.116

• 1997 - ღირსების ორდენი
• საპატიო ნიშნის ორდენი
• წითელი ვარსკვლავის ორდენი
• ლენინის ორდენი
• საქართველოს დამსახურებული ინჟინერი