ზურაბ ზურაბაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1969 წელს.

მუშაობა დაიწყო საპროექტო ინსტიტუტ "თბილქალაქპროექტში" ინჟინრად; იყო ამავე ინსტიტუტის არქიტექტურული სახელოსნოს ხელმძღვანელი, დირექტორის მოადგილე; მონაწილეობდა რიგი ადმინისტრაციული, სამრეწველო და საცხოვრებელი დანიშნულების ობიექტების საპროექტო-ტექნიკური დოკუმენტაციის დამუშავებაში; გლდანის VII და ზღვის უბნის III მიკრორაიონების, 300-ბინიანი საცხოვრებელი სახლისა და კვარტალის (ქ. ტიუმენში, დასავლეთი ციმბირი) განაშენიანებაში, "დოსააფის" საზღვაო სასკოლო კომპლექსის, თბილისის ლენინის რაიკომის შენობის, გარემოს დაცვის გამოთვლითი ცენტრის, საქართველოს დიზაინერთა ფონდის სასწავლო-საწარმოო კომპლექსის (თბილისში), კასპის ცემენტის ქარხნის და სხვა ობიექტების მშენებლობაში; დაჯილდოებულია საქართველოს სსრ მინისტრთა საბჭოს საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.238