მაია გრძელიძე

დაბადების ადგილი: სოფელი დიმი, ბაღდათის რაიონი.

დაამთავრა ქუთაისის ნ. მუსხელიშვილის სახელობის პოლიტექნიკური ინსტიტუტის მანქანათმშენებლობის ფაკულტეტი 1987 წელს და ამავე ინსიტუტის ასპირანტურა სპეციალობით "ფეხსაცმლისა და ტყავსაგალანტერეო ნაკეთობათა ტექნოლოგია. 

2006 წლიდან საქართველოს აკ. წერეთლის სახ. სახელმწიფო უნივერსიტეტის  "გამოყენებითი დიზაინისა და მსუბუქი მრეწველობის ნაკეთობათა ტექნოლოგიის" დეპარტამენტში მუშაობს. მ. გრძელიძის  სამეცნიერო მუშაობის პროფილის და ინტერესების სფეროს საქართველოს მოსახლეობის ტერფების ანთროპრომეტრიული კვლევა და სტატისტიკური ანალიზი, მოზარდთა ტერფების პათოლოგიები და მათი აღმოფხვრის გზების ძიება, ზომითი ასორტიმენტის აგების მეთოდები, ტერფის ზომითი დიაგნოსტიკისათვის საჭირო მანქანა-მოწყობილებების კონსტრუქციები, ორთოპედიული ფეხსაცმლის დამზადების ტექნილოგიური თავისებურებანი, სტატისტიკური მონაცემების კომპიუტერული დამუშავება, ნაწარმის კომპიუტერული მოდელირება და ტექნიკური ანგარიში წარმოადგენს. 2006 წელს მ. გრძელიძემ დეპარტამენტის მეცნიერთ ჯგუფთან ერთად მოიპოვა საქართველოს განათლებისა და მეცნიერების სამინისტროსთან არსებული ეროვნული სამეცნიერო ფონდის გრანტი თემაზე: "საქართველოს სამხედრო ფორმირებებისთვის სპეცფეხსაცმლის შემუშავება"(თემის მეცნიერ-კონსტრუქტორი და მენეჯერი). 2007 წელს მან და მისმა ჯგუფმა კიდევ ერთი გრანტი მოიპოვა თემაზე: "პათოლოგიური ტერფების მქონე ბავშვებისათვის სამედიცინო-პროფილაქტიკური ფეხსაცმლის შემუშვება" (თემის ავტორი, მენეჯერი და წამყვანი მეცნიერ-თანამშრომელი). გამოქვეყნებული აქვს 170  სამეცნიერი სტატია, ოთხი გამოგონება და 22 სასწავლო-მეთოდური სახელმძღვანელო. არის ტექნიკის მეცნიერებათა კანდიდატი (2002). მინიჭებული აქვს დოქტორის აკდემიური ხარისხი (2006), ასისტენტ პროფესორი (2006 წ), ასოცირებული პროფესორი (2010 წ), პროფესორი (2014). 2015 წლიდან არის ქუთაისის აკაკი წერეთლის სახელობის უნივერსიტეტის საინჟინრო–ტექნოლოგიური ფაკულტეტის დეკანი. 

სადისერტაციო თემა -" აპარატურისა და ასორტიმენტის კლასიფიკაციის მეთოდის შემუშავება ოპტიმალური ფეხსაცმლის შერჩევის დიაგნოსტიკისთვის".

წყარო: საქართველოს ინჟინერი ქალები.- თბილისი.-2008.- გვ.46-48

• ნაკეთობის სამომხმარებლო თვისებების ხარისხის ექსპერტიზა და მართვა : სალექციო კურსი (ავტორი). - ქუთაისი, აკაკი წერეთლის სახელმწ. უნ-ტის გამ-ბა, 2014. - 308გვ.. - ISBN: 978-9941-453-23-6
• შაქრიანი დიაბეტით დაავადებულთათვის სპეციალური სამედიცინო დანიშნულების ორთოპედიული ფეხსაცმლის სამომხმარებლო თვისებები : მონოგრაფია (ავტორი). - ქუთაისი, 2014. - 192გვ.. - ISBN: 978-9941-432-94-1
• პროექტირების ოპტიმიზაციის მეთოდები ტყავის ნაკეთობათა მრეწველობაში (ავტორი). - ქუთაისი, აკაკი წერეთლის სახელმწ. უნ-ტის გამ-ბა, 2013. - 308გვ.. - ISBN: 978-9941-453-52-6
• ხარისხის მართვა : სახელმძღვ. (ავტორი). - ქუთაისი, აკ. წერეთლის სახელმწ. უნ-ტის გამ-ბა, 2013. - 232გვ.. - ISBN: 978-9941-453-42-7
• კოსტუმის კონსტრუქციის განვითარების ისტორია - 2 (რედაქტორი). - ქუთაისი, აკ. წერეთლის სახელმწ. უნ-ტის გამ-ბა, 2012. - 160გვ.. - ISBN: 978-9941-432-96-5
• საყოფაცხოვრებო ფეხსაცმლის სამომხმარებლო თვისებები (რედაქტორი). - ქუთაისი, აკ. წერეთლის სახელმწ. უნ-ტის გამ-ბა, 2010. - 212გვ. - ISBN: 978-9941-417-57-3
• ტყავის ნაკეთობათა კონსტრუქციის და მოდის განვითარება (რედაქტორი). - ქუთაისი, აკ. წერეთლის სახელმწ. უნ-ტის გამ-ბა, 2010. - 148გვ.. - ISBN: 978-9941-417-74-0