ივანე ჯაში

დაბადების ადგილი: სოფელი ჭოგნარი, ოზურგეთის მაზრა (ახლანდელი სამტრედიის რაიონი).

დაამთავრა თბილისის სახელმწიფო უნივერსიტეტის აგრონომიული ფაკულტეტი 1924 წელს.

1930-1935 წლებში იყო საქართველოს სასოფლო-სამეურნეო ინსტიტუტის დირექტორის მოადგილე სამეცნიერო და სასწავლო ნაწილში, 1941-1973 წლებში - პრორექტორი სამეცნიერო ნაწილში; 1931-1934 წწ. და 1941-1981 წწ. ეკონომიკისა და ორგანიზაციის კათედრის გამგე. ი. ჯაშის მეთოდური მითითებები "სოციალისტურ სასოფლო-სამეურნეო საწარმოთა ორგანიზაცია" (1957, 1963) გამოყენებულია სსრკ უმაღლესი სასწავლებლების შესაბამისი საგნის მეთოდურ მითითებებში. მისი მონაწილეობით შედგენილი მუხრანის სასწავლო მეურნეობის საორგანიზაციო გეგმა სანიმუშოდ იქნა აღიარებული სსრკ უმაღლესი სასოფლო-სამეურნეო სასწავლებლებისათვის. თანაავტორი და რედაქტორია დამხმარე სახელმძღვანელოებისა: "მებაღეობისა და მევენახეობის ორგანიზაცია კოლმეურნეობებში" (თბ. , 1954); "მემინდვრეობის ორგანიზაცია" (თბ., 1954); "მებოსტნეობის ორგანიზაცია კოლმეურნეობებში" (1953); "სუბტროპიკული მეურნეობის ორგანიზაცია" (თბ.,1951) და სხვა. მიღებული აქვს ნ. ი. ვავილოვის ოქროს მედალი და ორდენები. აგრონომი, სოფლის მეურნეობის მეცნიერებათა დოქტორი (1946), პროფესორი (1946). 

წყარო: ქართული საბჭოთა ენციკლოპედია: ტ. 11.-თბ., 1987.-გვ.547-548

• საპატიო ნიშნის ორდენი
• შრომის წითელი დროშის ორდენი (2 ორდენი)
• ლენინის ორდენი