აზა დანელია

დაამთავრა საქართველოს პოლიტექნიკური ინსტიტუტის ქიმიური ტექნოლოგიების ფაკულტეტი 1957 წელს და ასპირანტურა ანალიზური ქიმიის კათედრაზე 1970 წელს.

1958-1963წწ. ტრესტ "იჟმშენის" მე-4 სამშენებლო სამმართველოს ტექნიკურ განყოფილებაში იმუშავა ინჟინრად. 1967 წელს ის ანალიზური ქიმიის კათედრაზე იწყებს მუშაობას ჯერ ლაბორანტად, შემდეგ მასწავლებლად(1971) და დოცენტად. 1980 წელს გარემოს დაცვის კათედრა შეიქმნა და ა. დანელიამ ამ კათედრაზე გააგრძელა მოღვაწეობა სასწავლო ნაწილში კათედრის გამგის მოადგილის თანამდებობაზე; ამავე წელს იყო დ. მენდელეევის სახ. საკავშირო ქიმიური საზოგადოების საქართველოს რესპუბლიკური სამმართველოს გარემოს დაცვის სექციის თავჯდომარის მოადგილე; წლების მანძილზე ის ქიმიური ტექნოლოგიის ფაკულტეტის დეკანის მოადგილე იყო. არის 36 სამეცნიერო ნაშრომის, რამდენიმე სახელმძღვანელოს ავტორი და მრავალი სამეცნიერო-ტექნიკური კონფერენციის მონაწილე. ტექნიკურ მეცნიერებათა კანდიდატი (1971), დოცენტი.

წყარო:საქართველოს ინჟინერი ქალები.- თბილისი.-2008.- გვ.50-51

• საქართველოს ეკოლოგიურ მეცნიერებათა აკადემია, ასოცირებული წევრი (1995-)

• გარემოს დაცვა : მცენარეთა და ცხოველთა როლი ბუნებასა და ადამიანის ცხოვრებაში და მათი დაცვა (ავტორი). - თბილისი, ტექ. უნ-ტი, 1997. - 42გვ.
• ნიადაგის დაცვა (ავტორი). - თბილისი, საქ. პოლიტექნიკური ინ-ტი, 1983. - 34გვ.
• წყლის რესურსების დაცვა (ავტორი). - თბილისი, საქ. პოლიტექნიკური ინ-ტი, 1982. - 81გვ.