ალექსანდრე გედევანოვი

დაამთავრა ტფილისის კადეტთა კორპუსი; პავლოვსკის პირველი სამხედრო სასწავლებელი პოდპორუჩიკის წოდებით 1889 წელს; გენერალური შტაბის ნიკოლაევსკის აკადემია.

მსახურობდა ბაქოს 153-ე ქვეითთა პოლკში; 1893 წლიდან პორუჩიკი; 1900 წლიდან შტაბს-კაპიტანი; 1901 წლიდან კაპიტანი; 1907 წლიდან პოდპოლკოვნიკი; 1910 წლიდან პოლკოვნიკი; 1914 წლიდან მსახურობდა 155-ე ქვეითთა კუბინსკის პოლკში. 1914 წლიდან კავკასიის მე-2 მსროლელთა პოლკის ოფიცერი; 1914 წლიდან სოხუმის ქვეითთა 203-ე პოლკის მეთაური; 1915 წლიდან გენერალ-მაიორი; 1917 წლიდან 51-ე ქვეითთა დივიზიის მთვარსარდალი; 1918-1921წწ. მსახურობდა საქართველოს შეირაღებულ ძალებში; 1918 წლის დასაწყისში იყო ბათუმის კომენდანტი; გარკვეულ ხანს იყო სამხედრო მინისტრის მოადგილე, სამხედრო საბჭოს წევრი. 1918 წლის ზაფხულიდან 1919 წლის გაზაფხულამდე იყო საქართველოს შეიარაღებული ძალების მთავარსარდალი. 1921 წ-ის საბჭოთა ოკუპაციის შემდეგ მსახურობდა წითელ ჯარში. რუსეთის არმიის გენერალ-მაიორი, ქართული ჯარის გენერალი. რუსეთ-იაპონიის და პირველი მსოფლიო ომის მონაწილე. 

წყარო: საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ.87- 88; ria1914.info

• 1915 - წმინდა ვლადიმირის III ხარისხის ორდენი (ხმლებით)
• 1914 - წმინდა ვლადიმირის IV ხარისხის ორდენი (ხმლებითა და ბანტით)
• 1912 - წმინდა სტანისლავის II ხარისხის ორდენი
• 1910 - წმინდა ანას III ხარისხის ორდენი