რევაზ თათეიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1953 წელს.

1953-1954წწ. მუშაობდა რუსეთში, ქალაქ ბეჟიცაში (ბრიანსკის ოლქი) მშენებელ-ოსტატად, უფროს სამუშაოთა მწარმოებლად, სამშენებლო სამმართველოს უფროსად; 1954 წლიდან საქართველოს მშენებლობის სამინისტროს სისტემაში მუშაობდა; იყო სამუშაოთა მწარმოებელი, უბნისა და სამმართველოს უფროსი, საქართველოს მშენებლობის სამინისტროს N2 სამშენებლო ტრესტის მთავარი ინჟინერი და მმართველი, საქართველოს მშენებლობის მინისტრის მოადგილე; 1991 წლიდან მუშაობდა რესპუბლიკური სამშენებლო გაერთიანება "საქქალაქმშენის" უფროსის მოადგილედ, ხოლო 1996 წლიდან სს "ქალაქმშენის" დირექტორი იყო; უშუალოდ ხელმძღვანელობდა რესპუბლიკაში მნიშვნელოვანი სამოქალაქო და სამრეწველო ობიექტების მშენებლობას; მათ შორისაა დიდი საკონცერტო დარბაზი (თბილისში), ა. გრიბოედოვის სახელობის რუსული სახელმწიფო დრამატული თეატრი და ცენტრალური უნივერმაღი, კურორტოლოგიის ინსტიტუტი, ფეხბურთის ცენტრალური სტადიონი, საცხოვრებელი სახლისა და საგანმანათლებლო ობიექტები; დაჯილდოებულია ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.241; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.238

• 2000 - ღირსების ორდენი
• 1998 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• საქართველოს დამსახურებული ინჟინერი