ციური დარჩიაშვილი

დაბადების ადგილი: ქ. დედოფლისწყარო.

დაამთავრა საქართველოს პოლიტექნიკური ინსტიტუტი 1972 წელს. 

1972 წლიდან ც. დარჩიაშვილი საქართველოს პოლიტექნიკურ ინსტიტუტში მოღვაწეობს მეტალურგიული ფაკულტეტის სამეცნიერო ლაბორატორიის მეცნიერ-მუშაკიდან ამავე ფაკულტეტის ასოცირებულ პროფესორამდე და ნაყოფიერ სამეცნიერო-პედაგოგიურ და კვლევით მოღვწეობას ეწევა. არის მრავალი ნაშრომის, მეთოდური მითითებისა და სახელმძღვანელოს ავტორი. მისი გამოგონებები დიდი წარმატებით სარგებლობს და მრავალი ჯილდო აქვს მიღებული. 1986 წელს ის ქ. ტოლიატში გამართული საერთაშორისო გამოფენის დიპლომით დაჯილდოვდა. 1986 წელს მისი გამოგონება შეისყიდა გერმანიის ფედერაციული რესპუბლიკის ქარხანამ, თავად მეცნიერს კი პრემია გადაეცა. 1988-1989წწ. ც. დარჩიაშვილი გაცვლითი პროგრამით იმყოფებოდა გერმანიის ქალაქ დრეზდენის ტექნიკურ უნივერსიტეტში. მიღებული აქვს საქართველოს მინისტრთა საბჭოს (1987), სსრკ მინისტრთა საბჭოსა (1990) და საქართველოს მეცნიერებისა და ტექნიკის სახელმწიფო კომიტეტის (1987) პრემიები. ტექნიკის მეცნიერებათა კანდიდატი (1987), ასოცირებული პროფესორი (2006).

წყარო: საქართველოს ინჟინერი ქალები.- თბილისი.-2008.- გვ.51-52

• მეთოდური მითითებები საწარმოო და სადიპლომო პრაქტიკის ჩასატარებლად (შემდგენელი). - თბილისი, საქ. პოლ. ინ-ტი, 1987. - 28გვ.
• მეთოდური მითითებები პრაქტიკული სამუშაოების შესასრულებლად ექსპერიმენტის ორგანიზაციის კურსში (შემდგენელი). - თბილისი, საქ. პოლ. ინ-ტი, 1986. - 16გვ.