მურმან ჯგუბურია

დაბადების ადგილი: სოფელი ოქუმი, გალის რაიონი.

დაამთავრა მოსკოვის პოლიგრაფიული ინსტიტუტი 1972 წელს.

სხვადასხვა დროს მუშაობდა გვირაბგამყვანად, მძღოლად, ჟურნალ "საუნჯის" განყოფილების გამგედ, გამომცემლობა "საბჭოთა საქართველოს" რედაქტორად, გაზეთ "სიტყვის" მთავარ რედაქტორად.  მისი პირველი ლექსი გამოქვეყნდა 1958 წელს ზუგდიდის საქალაქო გაზეთ "მებრძოლში", პირველი პოეტური კრებული "ლექსები" - 1969 წელს. მას ეკუთვნის ლექსთა კრებულები "მდინარის პირა ყანა" (1977), "შენ იყურები სარკმლიდან ახლა" (1983), "ლექსები" (1984),  "ოდიშური სანახები", "შუადღის კარი", "ეკატერინე ჭავჭავაძე", "შინაური გარემო";  რომანი "ორი თვალი" (1984), აგრეთვე ი. ბუნინის ლექსების თარგმანი (კრებული "შემოდგომა", 1975). თარგმნილი აქვს მსოფლიო პოეზიის ბევრი სხვა წარმომადგენლის ლექსები, ცალკეული ლექსები თარგმნილია რუსულ, უკრაინულ, პოლონურ ენებზე.

წყარო: ქართული საბჭოთა ენციკლოპედია: ტ. 11.-თბ., 1987.-გვ.550; kvira.ge; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ. 415

• ჭაბუა ამირეჯიბი : "დათა თუთაშხია", "გორა მბორგალი", "გიორგი ბრწყინვალე", "ნაფიქრალიდან" (ავტორი). - თბილისი, ეროვნ. მწერლობა, 2007. - 228გვ.
• ყოფილა, ყოფილა, რა ყოფილა... : ლექსები და ზღაპრები : [კლასგარეშე საკითხავი წიგნი 1-4 კლასის მოსწ. (ავტორი). - თბილისი, განათლება, 1997. - 43გვ.
• რჩეული (ავტორი). - თბილისი, მერანი, 1995. - 424გვ.
• მიდის ზამთარი : ლექსები (ავტორი). - თბილისი, მერანი, 1989. - 190გვ.
• შუადღის კარი : ლექსები (ავტორი). - თბილისი, საბჭოთა საქართველო, 1989. - 408გვ.
• შინაური გარემო : ლექსები (ავტორი). - თბილისი, ნაკადული, 1986. - 197გვ.
• ორი თვალი : რომანი (ავტორი). - თბილისი, ნაკადულის სტ., 1984. - 171გვ.
• გაზაფხული მოსდევს ზამთარს : [ლექსები (ავტორი). - თბილისი, მერანი, 1981. - 148გვ.