გიორგი თაყაძე

დაბადების ადგილი: ქ. გორი.

დაამთავრა ამიერკავკასიის პოლიტექნიკური ინსტიტუტი ინჟინერ-კონსტრუქტორის კვალიფიკაციით 1935 წელს.

მუშაობდა სამშენებლო ტრესტ "ამიერკავკასტრანსმშენის" სისტემაში, "გზამშენში", რკინიგზის სალიანდაგო სამსახურში, გორის საფეიქრო და თბილისის საავიაციო ქარხნების მშენებლობაზე, კითხულობდა ლექციებს ტოპოგრაფიულ, ინდუსტრიულ და რკინიგზის ტექნიკუმებში; 1941-1945წწ. იყო სამამულო ომის მონაწილე; 1948 წლიდან მუშაობდა მელიორაციის ს/კ ინსტიტუტში; 1968 წელს მიიწვიეს საქართველოს პოლიტექნიკურ ინსტიტუტში დოცენტად, სადაც შემდგომ პერიოდში, როგორც მეცნიერი და კათედრის პროფესორ-კონსულტანტი ნაყოფიერად მოღვაწეობდა;  წლების განმავლობაში იყო სამშენებლო ფაკულტეტის სამეცნიერო ხარისხების მიმნიჭებელი საბჭოს მდივანი და სატრანსპორტო და სამთო ფაკულტეტების სამეცნიერო საბჭოს წევრი; ჰქონდა ფუნდამენტური გამოკვლევები საპროპელის მოპოვებისა და დამუშავების, გამოუყენებელი მიწების ათვისების, სამელიორაციო მშენებლობისა და მიწის სამუშაოების ჰიდრომექანიზაციის სფეროში; იყო 100-ზე მეტი სამეცნიერო ნაშრომისა და 5 მონოგრაფიის ავტორი; სამამულო ომში მონაწილეობისათვის დაჯილდოებული იყო საბრძოლო მედლებით.მინიჭებული ჰქონდა ტექნიკურ მეცნიერებათა კანდიდატისა და დოქტორის ხარისხი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.242

• ღირსების ორდენი
• საქართველოს დამსახურებული ინჟინერი

• მიწის სამუშაოების ჰიდრომექანიზაცია (ავტორი). - თბილისი, საბჭოთა საქართველო, 1976. - 154გვ.
• საპროპელის მოპოვების ჰიდრომექანიზაცია (თანაავტორი). - თბილისი, საბჭოთა საქართველო, 1971. - 112გვ.
• საპროპელის მოპოვების ჰიდრომექანიზაცია (თანაავტორი). - თბილისი, საბჭოთა საქართველო, 1971. - 111გვ.
• ჰიდრომექანიზაცია სამელიორაციო მშენებლობაში (ავტორი). - თბილისი, საბჭოთა საქართველო, 1968. - 163გვ.
• გამოუყენებელი მიწების ათვისება ჰიდრომექანიზაციის საშუალებით (ავტორი). - თბილისი, საბჭოთა საქართველო, 1961. - 101გვ.