გიორგი ჯიღაური

დაბადების ადგილი: სოფელი პატარძეული, საგარეჯოს რაიონი.

დაამთავრა საქართველოს პოლიტექნიკური ინსტიტუტი ინჟინერ-გეოლოგის სპეციალობით 1930 წელს. 

ინსტიტუტის დამთავრებისთანავე აქტიურ მონაწილეობას იღებდა საქართველოს სხვადასხვა გეოლოგიურ პარტიებში. 1930 წლიდან მუშაობდა "ჰიდროენერგოპროექტში". ორმოცი წლის მუშაობის განმავლობაში შეასრულა ყველა ჰიდროელექტროსადგურის პროექტების გეოლოგიური დასაბუთება. ტექნიკურ დახმარებას უწევდა სახალხო დემოკრატიულ ქვეყნებს (რუმინეთს, ბულგარეთს, ერაყს). მისი გამოკვლევები ეხება ჰიდროტექნიკურ ნაგებობათა საინჟინრო-გეოლოგიურ საკითხებს.  მიღებული აქვს მთავრობის ჯილდოები.

წყარო: ქართული საბჭოთა ენციკლოპედია: ტ. 11.-თბ., 1987.-გვ.568; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 343; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.457

• 1961 - საქართველოს დამსახურებული ინჟინერი
• 1951 - სსრკ სახელმწიფო პრემია (ერთობლივი გამარჯვება)
• შრომის წითელი დროშის ორდენი