ნაპო თოდუა

დაბადების ადგილი: სოფელი აბასთუმანი, ზუგდიდის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს.

1962-1979წწ. მუშაობდა საქართველოს მშენებლობის სამინისტროს N4 სამშენებლო ტრესტის ფოთის სამშენებლო სამმართველოს სამუშაოთა მწარმოებლად, უბნის უფროსად, მთავარ ინჟინრად, სამმართველოს უფროსად; 1979-1982წწ. სამშენებლო ტრესტ "კოლხთმშენის" ფოთის N2 მოძრავ-მექანიზებული კოლონის უფროსად; 1982-1986წწ. საქართველოს კომუნალური მეურნეობის სამინისტროს ფოთის სამშენებლო-სარემონტო სამმართველოს უფროსად; 1986-1990წწ. იყო საქართველოს მშენებლობის სამინისტროს N10 სამშენებლო ტრესტის N1 სამშენებლო სამმართველოს უფროსი; ხელმძღვანელობდა ფოთში ცხრასართულიანი საცხოვრებელი სახლების, პოლიკლინიკის, საშუალო სკოლების, საბავშვო ბაღების, სამკერვალო ფაბრიკის, წისქვილქარხნის ურთულესი საინჟინრო ნაგებობის მშენებლობას; მონაწილეობდა მდინარე რიონზე წყალქვეშა დიუკერის მოწყობისა და მეშვიდე კილომეტრის ხიდის გამაგრების სამუშაოებში; არის რამდენიმე გამოგონების ავტორი, რამდენიმე მოწვევის ფოთის საქალაქო საბჭოს დეპუტატი, მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.247-248

• ფოთის საპატიო მოქალაქე