არკადი ჯორბენაძე

დაბადების ადგილი: სოფელი ჩიბათი, ლანჩხუთის რაიონი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1927 წელს.

1947-1974 წწ. განაგებდა ექიმთა დახელოვნების თბილისის ინსტიტუტის პათოლოგიური ანატომიისა და სასამართლო მედიცინის კათედრას, 1953-1974 წწ. იყო ამავე ინსტიტუტის პრორექტორი სამეცნიერო დარგში (1974 წლიდან გარდაცვალებამდე - ამავე კათედრის კონსულტანტი). შეისწავლიდა ავთვისებიანი სიმსივნეების, სხივური, წყლულოვანი და ინფექციური დაავადებების პათანატომიისა და ექსპერიმენტული მედიცინის სხვადასხვა საკითხებს. დიდი დამსახურება მიუძღვის სასოფლო-სამეურნეო ცხოველთა პათოლოგიური ანატომიის განვითარების დარგში. ავტორია და თანაავტორი სასოფლო-სამეურნეო ცხოველთა ზოგადი და კერძო პათოლოგიური ანატომიისა, აგრეთვე  პათოლოგანატომიური გაკვეთის ტექნიკის პირველი ქართული სახელმძღვანელოებისა (1962, 1964, 1976). ქართველი პათოლოგანატომი, პათოლოგიური ანატომიის სამსახურის ერთ-ერთი ორგანიზატორი საქართველოში. მედიცინის მეცნიერებათა დოქტორი (1946), პროფესორი (1948). დაჯილდოებულია მედლებით.

წყარო: ქართული საბჭოთა ენციკლოპედია: ტ. 11.-თბ., 1987.-გვ.572

• პათოლოგანატოთა სამეცნიერო საზოგადოება, თავმჯდომარე (1980-1984)
• სკკპ , წევრი (1952-)

• 1965 - საქართველოს მეცნიერებათა დამსახურებული მოღვაწე
• 1946 - საქართველოს დამსახურებული ექიმი

• სასოფლო-სამეურნეო ცხოველთა პათოლოგანატომიური გაკვეთის ტექნიკა : დამხმ. სახელმძღვ. ზოოტექნ-სავეტერ. სასწ-კვლევ. ინ-ტის ვეტერ. ფაკ-ტის სტუდენტებისათვის (ავტორი). - თბილისი, განათლება, 1982. - 263გვ.
• სასოფლო სამეურნეო ცხოველთა ზოგადი პათოლოგიური ანატომიის საფუძვლები : სახელმძღვ. ზოოტექნ.-სავეტერ. სასწ.-სამეცნ. კვლევ. ინ-ტის სავეტერ. ფაკ-ტის სტუდენტებისათვის (ავტორი). - თბილისი, განათლება, 1976. - 537გვ.
• სასოფლო-სამეურნეო ცხოველთა პათანატომიური გაკვეთის ტექნიკის საფუძვლები : [სახელმძღვ. ვეტ. ინ-ტის სტუდენტთათვის (ავტორი). - თბილისი, ცოდნა, 1962. - 290გვ.