ოთარ თუხარელი

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1946 წელს, ჩაირიცხა მოსკოვის არქიტექტურის ინსტიტუტში არქიტექტურისა და ხელოვნების ფაკულტეტზე 1950 წელს.

მოღვაწეობდა მოსკოვის სხვადასხვა საპროექტო ინსტიტუტებში; მისი ხელმძღვანელობით შეიქმნა დასასვენებელი სახლების, პიონერთა ბანაკების, სანატორიუმების, საავადმყოფოებისა და კულტურის სახლების ტიპური და ინდივიდუალური პროექტები; 1960 წლიდან მუშაობდა ქ. თბილისში, საპროექტო ინსტიტუტის სახელოსნოს ხელმძღვანელად, შემდეგ კი ინსტიტუტის მთავარ არქიტექტორად; პარალელურად ეწეოდა პედაგოგიურ მოღვაწეობას თბილისის სამხატვრო აკადემიაში პროფესორის დარგში; მუშაობდა საქართველოს ზოოვეტერინარული ინსტიტუტის კომპლექსის პროექტირებაზე; 1964 წელს დაინიშნა საქართველოს მშენებლობის საქმეთა სახელმწიფო კომიტეტის ("სახმშენის") თავმჯდომარედ; 1970 წლიდან წლების განმავლობაში თბილისის ზონალური ს/კ ტიპური და ექსპერიმენტული პროექტირების ინსტიტუტის ("თბილზნიიეპი") დირექტორი იყო; 1986 წელს დააარსა პერსონალური შემოქმედებითი არქიტექტურული სახელოსნო; მიღებული აქვს სსრ კავშირის მინისტრთა საბჭოს პრემია, საბჭოთა კავშირის სახალხო მეურნეობის მიღწევათა გამოფენის ოქროს მედალი (1973).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.254-255

• აღმოსავლეთ ქვეყნების არქიტექტურის საერთაშორისო აკადემია, საპატიო წევრი (1993-)
• სსრ კავშირის არქიტექტორთა კავშირი (1957-)

• ღირსების ორდენი
• დაღესტნის ხელოვნების დამსახურებული მოღვაწე
• საქართველოს დამსახურებული არქიტექტორი