ლევან იაშვილი

დაბადების ადგილი: ქ. სოხუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამდინარო ნაგებობებისა და ჰიდროელექტროსადგურების მშენებლობის სპეციალობით 1974 წელს.

1974-1975წწ. მუშაობდა საქართველოს მშენებლობის სამინისტროს N6 სამშენებლო ტრესტის N3 სამშენებლო სამმართველოში ოსტატად; 1975-1976წწ. ამავე ტრესტის სახლსაშენი კომბინატის ინჟინრად; 1976-1979წწ. N6 სამშენებლო ტრესტის ტექნიკური უსაფრთხოების სამსახურის უფროსად; 1979-1981წწ. სამრეწველო-საწარმოო კომბინატის მთავარ ინჟინრად; 1981-1987წწ. მუშაობდა N6 სამშენებლო ტრესტის N4 სამშენებლო სამმართველოში მთავარ ინჟინრად, 1987-2000წწ. "საქგეოლოგიის" ჩრდილო-დასავლეთის გეოლოგიურ ექსპედიციაში უფროსის მოადგილედ მშენებლობის დარგში; 2006 წლიდან არის შპს "ტავ-ჯორჯიას" სამშენებლო სამსახურის ინჟინერი თბილისის საერთაშორისო აეროპორტში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.259; ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ.189-190