ვახტანგ იზორია

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1985 წელს.

1973-1976წწ. მუშაობდა "ენგურჰესის" სამოქალაქო მშენებლობის სამმართველოში ოსტატად; 1976-1984წწ. ამავე სამმართველოში ტექნიკური უსაფრთხოების განყოფილების უფროსად; 1984-1989წწ. სამმართველოს უფროსის მოადგილედ; 1989-1993წწ. იყო საქართველოს მშენებლობის სამინისტროს N12 სამშენებლო ტრესტის N1 სამშენებლო სამმართველოს უფროსი; 1993 წელს დაინიშნა აფხაზეთის ასს რესპუბლიკის არქიტექტურისა და მშენებლობის მინისტრის მოადგილედ; მონაწილეობდა მინგეჩაურის ჰესისა (აზერბაიჯანი) და "ენგურჰესის" მშენებლობის სამმართველოს ადმინისტრაციული შენობების, ქ. ოქტომბერიანის (სომხეთი) ატომური ელექტროსადგურის, 44 კმ-იანი საავტომობილო გზის (ჯვარი-ხაიშის მონაკვეთი), კინოთეატრის, სტადიონის, საავადმყოფო კომპლექსის (ჯვარზენში), საცხოვრებელი სახლების (სოხუმში, გალში, გულრიფშში, სენაკში, წყალტუბოში, ჯვარზენისა და ფოცხო-ეწერის დასახლებებში) მშენებლობაში; "ენგურჰესის" მშენებლობაში აქტიური მონაწილეობისათვის დაჯილდოებულია საქართველოს უმაღლესი საბჭოს პრეზიდიუმის საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.260

• მშენებელთა კავშირი, წევრი
• საქართველოს ენერგეტიკოსთა კავშირი, წევრი