ჟანა კომპანიონი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი და ამავე ინსტიტუტის ასპირანტურა.

1941 წლიდან სიცოცხლის ბოლომდე მუშაობდა საქართველოს პოლიტექნიკურ ინსტიტუტის ორგანიზაციის ეკონომიკის კათედრაზე დოცენტის თანამდებობაზე. მას დიდი წვლილი მიუძღვის ამ კათედრის ჩამოყალიბების და შემდგომი განვითარების საქმეში. ის ეწეოდა ინტენსიურ პედაგოგიურ და სამეცნიერო საქმიანობას. იყო 50-მდე სამეცნიერო ნაშრომის ავტორი. ჟ. კომპანიონი დიდი სამამულო ომის დროს მოხალისედ მუშაობდა და ხანგრძლივი საქველმოქმედო საქმიანობისთვის "ომის ვეტერანის" წოდება მიანიჭეს. 1974 წლამდე იყო საქართველოს ტექნიკური უნივერსიტეტის ქალთა ასოციაციის წევრი. ინჟინერ-მშენებელი. ტექნიკურ მეცნიერებათა კანდიდატი.

სადისერტაციო თემა - "საწარმოო შენობების გადახურვის ფილების მონტაჟის ტექნოლოგია".

წყარო: საქართველოს ინჟინერი ქალები.- თბილისი.-2008.- გვ. 89-90; საქართველოს არქიტექტორთა და მშენებელთა ენციკლოპედია. -თბ., 2017.-გვ.318

• 1996 - საქართველოს დამსახურებული ინჟინერი

• სამშენებლო გენერალური გეგმების დამუშავება და სამშენებლო მანქანების და სატრანსპორტო საშუალებათა მუშაობის ორგანიზაცია : დამხმ. სახელმძღვ (ავტორი). - თბილისი, საქ. პოლ. ინ-ტი, 1985. - 108გვ.
• მეთოდური მითითებები სამშენებლო მასალების, ნახევარფაბრიკატებისა და ნაკეთობათა სახარჯთაღრიცხვო ღირებულების კალკულაციის შესადგენად (შემდგენელი). - თბილისი, საქ. პოლ. ინ-ტი, 1984. - 59გვ.