დიმიტრი ზახაროვი

დაამთავრა მოსკოვის უნივერსიტეტის იურდიული ფაკულტეტი 1907 წელს.

1908 წლიდან ირიცხებოდა მოსკოვის სასამართლო პალატის მოსკოვის ოლქის ნაფიც ვექილთა სიაში; 1910-იანი წლებიდან ცხოვრობდა სოხუმში და მუშაობდა ნაფიც ვექილად; იყო სოხუმის სასოფლო-სამეურნეო საზოგადოების წევრი; რედაქტორობდა სოხუმში გამომავალ გაზეთს - Сухумский вестник-ს. იყო საქართველოს სოციალ-დემოკრატიული მუშათა პარტიის წევრი; 1917-1918წწ. იყო სოხუმის ოლქის კომისარი; იყო აფხაზეთის ეროვნული საბჭოს წევრი; საკონსტიტუციო დელეგაციის წევრი; 1921 წელს საბჭოთა რუსეთის მიერ საქართველოს დემოკრატიული რესპუბლიკის ოკუპირების შემდეგ მუშაობდა ტფილისის მუშათა კოოპერატიულ კავშირში; 1923 წელს იყო აფხაზეთის ასსრ დამცველთა (ადვოკატთა) კოლეგიის პრეზიდიუმის წევრი; 1931 წელს, დიმიტრი ზახაროვი საბჭოთა უშიშროების სამსახურმა (სახელმწიფო პოლიტიკური სამმართველო ГПУ) დააპტიმრა. 1931 წლის 8 ივნისს, საქართველოს სსრ სახელმწიფო პოლიტიკური სამმართველოს განსაკუთრებულმა სათათბირომ (ОСО ГПУ) მას საკონცენტრაციო ბანაკში 3 წლით გადასახლება მიუსაჯა. დიმიტრი ზახაროვის შემდგომი ბედი უცნობია.

წყარო: საქართველოს დამფუძნებელი კრება 1919. -თბ., 2016.-გვ.238; სახელმწიფო არქივი: archive.ge

• საქართველოს დამფუძნებელი კრება, წევრი (1919-)
• საქართველოს სოციალ-დემოკრატიული პარტია, წევრი (1919-)