სოსო იმნაძე

დაბადების ადგილი: ქ. ქუთაისი.

დაამთავრა ქუთაისის ინდუსტრიული ტექნიკუმი 1935 წელს, ამიერკავკასიის ინდუსტრიული ინსტიტუტის სამშენებლო ფაკულტეტი ინჟინერ-კონსტრუქტორის კვალიფიკაციით 1941 წელს.

1941-1945წწ. როგორც III რანგის სამხედრო ინჟინერი, მსახურობდა საბჭოთა არმიის რიგებში; 1945-1946წწ. მუშაობდა ქუთაისის ლითოფონის ქარხანაში სამშენებლო-სარემონტო საამქროსა და კაპიტალური მშენებლობის განყოფილების უფროსად; 1949-1954წწ. სსრკ ქიმიური მრეწველობის სამინისტროს საქართველოს სამშენებლო ტრესტის სამშენებლო-სამონტაჟო სამმართველოს უფროსად; 1954-1956წწ. ჩორდის ბარიტის მაღაროთა სამმართველოს დირექტორად; 1956-1961წწ. იყო საქართველოს სსრ სახალხო მეურნეობის მიღწევათა გამოფენის მშენებლობის უფროსი; საქართველოს მშენებლობის სამინისტროს N4 სამშენებლო ტრესტის მოპირკეთების სამუშაოთა სამმართველოს უფროსი; 1961 წელს დაინიშნა N4 სამშენებლო ტრესტის მთავარი ინჟინრის მოადგილედ; 1963-1990წწ. საპროექტო ინსტიტუტ "საქქალაქმშენსახპროექტის" ქუთაისის ფილიალის დირექტორად; იყო სხვადასხვა პროექტების ავტორი და ასევე ზედამხედველობას უწევდა სამრეწველო და სამოქალაქო დანიშნულების მნიშვნელოვანი შენობა-ნაგებობის მშენებლობას; იყო სხვადასხვა სახელმწიფო ჯილდოების კავალერი; არაერთგზის იყო არჩეული ქ. ქუთაისის საქალაქო საბჭოს დეპუტატად, აქტიურად მონაწილეობდა საერთაშორისო და რესპუბლიკურ კონფერენციებში. მიღებული აქვს სსრკ მინისტრთა საბჭოს პრემია. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.262; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.136

• 1997 - ღირსების ორდენი
• საქართველოს დამსახურებული ინჟინერი