ლევან ინაური

დაბადების ადგილი: ქ. გორი.

დაამთავრა საქართველოს პოლიტექნიკური ინსტიტუტის ჰიდროტექნიკის ფაკულტეტი ინჟინერ-მექანიკოსის კვალიფიკაციით 1954 წელს.

შრომითი საქმიანობა დაიწყო წყალთა მეურნეობის გორის სასისტემო სამმართველოში ინჟინერ-ჰიდრომექანიკოსად; 1965 წლიდან ხელმძღვანელობდა საქართველოს მშენებლობის სამინისტროს N9 სამშენებლო ტრესტის N2 სამშენებლო სამმართველოს; 1972-1974წწ. სათავეში ედგა ამავე სამინისტროს N5 რკინაბეტონის ქარხანას; 1974 წლიდან იყო გორის მშენებარე სახლმშენებელი კომბინატის დირექტორი, ასევე, კაპიტალური მშენებლობის გორის სარაიონთაშორისო სამმართველოს უფროსი; მონაწილეობდა გორის წისქვილკომბინატის, საკონსერვო ქარხნის, მაცივარ-კომბინატის, ხაშურის საგალანტერეო ფაბრიკის, ბაკურიანის სპორტული ობიექტების, გორის წყალსადენის სათავისა და მაგისტრალური ქსელების მშენებლობაში; მისი ხელმძღვანელობით აშენდა გორის, ახალციხის, ახალქალაქის კულტურის სახლები, კინოთეატრები, საავადმყოფოები, სასტუმროები; ასევე, სკოლები და საცხოვრებელი სახლები (ბოგდანოვკაში, ბორჯომში).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.263

• საპატიო ნიშნის მედალი
• საპატიო ნიშნის ორდენი