ნოდარ ირემაშვილი

დაბადების ადგილი: ქ. საგარეჯო.

დაამთავრა საქართველოს პოლიტექნიკური ინსტიტუტი არქიტექტურის (ქალაქგეგმარების) სპეციალობით 1973 წელს.

1973-2008წწ. მუშაობდა საპროექტო ინსტიტუტ "თბილქალაქპროექტში" არქიტექტორად, პროექტის მთავარ არქიტექტორად, სახელოსნოს ხელმძღვანელად; 1998-2001წწ. პარალელურად იყო ქალაქ ფოთის მერიის საპროექტო ბიუროს "ფოთიქალაქპროექტის" მთავარი არქიტექტორი; მისი პროექტებია: ქალაქ თბილისის ისტორიული უბნის რეკონსტრუქცია-რეგენერაციის პროექტები; ცალკეული სახლების და ნაგებობების პროექტების საინვესტიციო პროგრამები; ქალაქ თბილისის ცენტრის დდპ 1990 წელი; ქალაქ თბილისის გენერალური გეგმა 2003 წელი; ქალაქ ფოთის დიდი კუნძულის დდპ 1999 წელი; ქალაქ ფოთის მალთაყვის უბნის განაშენიანების პროექტი 1999 წელი; ქალაქ ფოთის მალთაყვის უბნის სანაპირო ზოლის ფეხმავალთა ბულვარის და მისასვლელი გზების მუშა პროექტი 2015 წელი; სატრანსპორტო კვანძი ჩელუსკინელების ქუჩასა და დავით აღმაშენებლის გამზირის გადაკვეთაზე 1974 წელი; სატრანსპორტო კვანძი ავჭალის გზატკეცილზე გლდანი-დიდი დიღომის გადამკვეთ მაგისტრალზე 1977 წელი; საცხოვრებელი რაიონის "ზემო ელია და ქვემო ელიას" დდპ 1982 წელი; მეტროსადგურ "ზემო ელიას" მიმდებარე ტერიტორიის განაშენიანების პროექტი 1984 წელი; მეტროსადგურ "ქვემო ელიას" მიმდებარე ტერიტორიის განაშენიანების პროექტი 1984 წელი; "ზღვის უბნის" ექსპერიმენტული მიკრორაიონის დდპ 1984 წელი (საკავშირო კონკურსში პირველი პრემიით პრემირებული); "ზღვის უბნის" პირველი მიკრორაიონის მუშა პროექტი 1985 წელი; "ზღვის უბნის" ინდივიდუალური ბინათმშენებლობის განვითარების პროექტი 1998 წელი; საცხოვრებელი უბანი "ბაბისხევის" დაგეგმარება და მუშა პროექტი 1999 წელი; საცხოვრებელი სახლები მიცკევიჩის ქუჩაზე, მეტეხის ქუჩაზე, ისნის ქუჩაზე, გოგებაშვილის II ჩიხში, ამაღლების ქუჩაზე, ყიფშიზის ქუჩაზე, ღამბაშიძის ქუჩაზე, იაშვილის ქუჩაზე, ინგოროყვას ქუჩაზე, ჭონქაძის ქუჩზე; სასტუმრო "მეტეხის" წარბზე 1999 წელი, N98 ზოგადსაგანმანათლებლო სკოლა ავლაბარში 2003 წელი (ქ. თბილისი); დაჯილდოებულია: III პრემიით ამიერკავკასიის ხალხთა მეგობრობის მემორიალის შექმნისთვის (1977), I პრემიით საკავშირო პროექტების დათვალიერებაზე (1981), III პრემიით დიდგორის მემორიალისთვის (1998), I პრემიით სერიული მრავალბინიანი საცხოვრებელი სახლების რესპუბლიკურ კონკურსზე (1990), 2000 წელს წლის საუკეთესო პროექტისთვის.

 წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.265

• საქართველოს არქიტექტორთა კავშირი, წევრი